- 2020-02-10 08:56:42
- ជីវិតតារា
ទ្រី ដាណា ស្រក់ទឹកភ្នែកពេលលាតត្រដាងពីជីវិតពិត
- 2020-02-10 08:56:42
- ចំនួនមតិ 0 | ចំនួនចែករំលែក 0
ទ្រី ដាណា ស្រក់ទឹកភ្នែកពេលលាតត្រដាងពីជីវិតពិត
ចន្លោះមិនឃើញ
ថ្ងៃនេះ Sabay នឹងបង្ហាញពីជីវិតពិត អ្នកនាង ទ្រី ដាណា ដែលគេចាត់ទុកថាជាបុគ្គលឆ្នើម និងល្បីឈ្មោះម្នាក់នៅលើបណ្ដាញសង្គមហ្វេសប៊ុកតាមរយៈការចេញបទចម្រៀងពិរោះៗ និងសកម្មភាពអាជីវកម្មលក់មាស ពេជ្រនៅលើផេករបស់ខ្លួន។ តើអ្នកនាង មានប្រវត្តិយ៉ាងដូចម្ដេច? សូមអានខាងក្រោមនេះ៖
អ្នកនាង គឺជាស្ដ្រីម្នាក់ដែលមានសមត្ថភាពគ្រប់គ្រាន់ក្នុងការគ្រប់គ្រង និងធ្វើអាជីវកម្មបានច្រើនមុខ រហូតដល់អ្នកនាង រលាស់ខ្លួនចេញពីភាពក្រីក្របាន។
នៅក្នុងវីដេអូឃ្លីបមានរយៈពេលជាង ១ម៉ោង ដែលអ្នកនាងបានថតឡាយនៅមុននេះ បង្ហាញថា អ្នកនាង គឺនារីម្នាក់រៀនបានតិច ប៉ុន្ដែមានភាពរឹងមាំក្នុងជីវិត។ អ្នកនាងកើតក្នុងគ្រួសារក្រីក្រមួយ ដែលពឹងផ្អែកលើការលក់ដូរបន្ដិចបន្ដួចនៅតាមចិញ្ចើមថ្នល់ ហើយមុខរបរលក់លៀស គ្រុំ ត្រី បាយ និងកាហ្វេតាមឡានក្រុង គឺសុទ្ធតែជាមុខរបរដែលនាងធ្លាប់ឆ្លងកាត់។
អ្នកនាងបញ្ជាក់ថា នាង និងស្វាមី ហ៊ីង បញ្ញាសិទ្ធិ មិនមែនជាកូនចៅរបស់អ្នកធំណាឡើយ ហើយរិតតែមិនមែនទៅទៀតនោះ គឺអ្នកទាំងពីរមិនបានកើតក្នុងត្រកូលអភិជនដែលមានទ្រព្យសម្បត្ដិមហាសាលស្រាប់ឡើយ។ ប៉ុន្ដែតាមការពិតទ្រព្យសម្បត្ដិទាំងអស់ដែលមានសព្វថ្ងៃ គឺកើតចេញពីញើសឈាម និងការប្រឹងប្រែងតស៊ូរកស៊ីរបស់អ្នកនាងតែប៉ុណ្ណោះ។
អ្នកនាង ទ្រី ដាណា៖ "នៅឆ្នាំ២០១០ ខ្ញុំសន្សំលុយបាន ១០ម៉ឺនរៀល ដើម្បីទិញខោអាវជជុះលក់ក្រោមឆ័ត្រនៅមុខរោងចក្រម្ដុំផ្សារសាំផាន់ ក្នុងសង្កាត់ទួលសង្កែ។ អាជីវកម្មហ្នឹងទទួលបានការគាំទ្រច្រើនពីអតិថិជន ហើយខ្ញុំក៏ពង្រីកមុខរបរបន្ថែមទៀត ហើយរហូតមកដល់សព្វថ្ងៃនេះ ខ្ញុំមានមុខជំនួញជាច្រើននៅក្នុងដៃ"។
អ្នកនាង ទ្រី ដាណា បានបង្កើបពីគន្លឹះជោគជ័យរបស់ខ្លួនថា ការរក្សាភាពស្មោះត្រង់ តស៊ូ និងសកម្មក្នុងការងារ គឺជាផ្លូវដែលអ្នកនាងធ្លាប់ដើរ ហើយទទួលបានជោគជ័យ។ បច្ចុប្បន្នអ្នកនាង គឺជាម្ចាស់ហាងពេជ្រនៅព្រែកព្នៅ និងជាអគ្គនាយិកា ក្រុមហ៊ុន ដាណា ទ្រី ខេមបូឌាត្រេតឌីង ខូអិលធីឌី ដែលនាំចូល និងចែកចាយផ្ដាច់មុខនូវផលិតផលNNP៕
