- 2020-02-19 03:16:54
- ព័ត៌មាន
គួរឲ្យស្ដាយ! តារាប្រុសទាំង ១០នេះប៊ិះនឹងបានក្លាយជាសមាជិករបស់ BTS ទៅហើយ
- 2020-02-19 03:16:54
- ចំនួនមតិ 0 | ចំនួនចែករំលែក 0
គួរឲ្យស្ដាយ! តារាប្រុសទាំង ១០នេះប៊ិះនឹងបានក្លាយជាសមាជិករបស់ BTS ទៅហើយ
ចន្លោះមិនឃើញ
អាចនិយាយបានថាជារឿងភ្ញាក់ផ្អើលបំផុតសម្រាប់ជោគជ័យដ៏អស្ចារ្យរបស់សមាជិក BTS ទាំង ៧ដូចសព្វថ្ងៃនេះ។ ប៉ុន្តែបើងាកទៅ កាលពីមុនពេលត្រូវបានគេស្គាល់ច្បាស់បែបនេះ ផលិតកម្ម BigHit មានអ្នកមកហ្វឹកហាត់ចង់ក្លាយជាតារាច្រើនដែរ ដោយក្នុងនោះក៏មានអ្នកដែលប៊ិះនឹងក្លាយជាសមាជិក BTS ទៅហើយ។
ចង់ដឹងទេ ថាតើអ្នកណាខ្លះដែលបម្រុងនឹងក្លាយសមាជិក BTS ហើយតើហេតុអ្វីបានជាពួកគេត្រូវបាត់ឱកាសនេះ?
១. Iron
RM និង Iron ជាមួយនឹងសមាជិក BTS ម្នាក់ទៀតឈ្មោះ i11evn ធ្លាប់ជាក្រុមជាមួយគ្នាឈ្មោះ DNH Crew។ លោកត្រូវបានគេដឹងថាជាសមាជិក BTS ដំបូងគេ ហើយបានជាប់លេខ ២ក្នុងកម្មវិធី “Show Me the Money” រដូវកាលទី៣ ប៉ុន្តែក៏មានការបញ្ជាក់ដែរថា លោកមិនបាន Debut ទេ ឯមូលហេតុពីក្រោយយ៉ាងណានោះ មិនបានបញ្ជាក់ច្បាស់ទេ។ ដោយឡែកក៏នៅមានការអអអាងថា Iron និងសមាជិកផ្សេងទៀត ហាក់ដូចជាចេញពីគោលដៅដែលបានកំណត់ទុកពីមុន។ ឈានដល់បច្ចុប្បន្នក៏លេចឮថា លោកត្រៀមចេញមុខដំបូងជាមួយនឹងក្រុម Hive ក្រោមផលិតកម្ម Polaris។
២. i11evn
ក៏ដូចជា Iron ដែល លោកក៏ធ្លាប់ស្ថិតនៅក្រុមតែមួយជាមួយ RM ដែរ ហើយលោកក៏ជាសាមជិកដើមរបស់ BTSរួម RM, J-Hope, និង Suga ដែរ។ ប៉ុន្តែក្រោយមកលោកបរាជ័យក្នុងការ Debut ហើយត្រូវបានជំនួសដោយ Jin, Jimin, V និង Jungkook វិញ យោងតាមហេតុផល i11evn មានអាយុច្រើនជាងសមាជិកបច្ចុប្បន្នដល់ទៅជិត ១០ឆ្នាំឯណោះ។ ប៉ុន្តែលោកក៏បានបង្វែរទិសដៅ ដោយមកធ្វើជាតារារ៉េបជាមួយនឹង FactoryBoi វិញ។
៣. A-Tom
A-Tom បានចាប់ផ្ដើមប្រឡូកក្នុងសិល្បៈ ដោយនៅហ្វឹកហាត់ជាមួយនឹង BTS តាំងពីមុន Debut ជាក្រុមទៅទៀត។ ទោះជាយ៉ាងណាលោកបានសម្រេចចិត្ត Debut ជាមួយ Xeno-T (Topp Dogg) ហើយបន្តរួមការងារជាមួយ JBJ ប៉ុន្តែគួរឲ្យស្ដាយក្រុមនេះក៏ត្រូវបំបែកនៅឆ្នា ២០១៨។
៤. Supreme Boi
សមាជិកដើមម្នាក់ទៀតរបស់ DNH Crew និងជាអ្នកហ្វឹកហាត់ត្រៀមចូលក្រុម BTS រូបនេះ ក៏មានសេចក្ដីរាយការណ៍ថា កំពុងធ្វើការជាផលិតកររបស់ផលិតកម្ម BigHit ថែមទាំងជាអ្នកនៅពីក្រោយបទចម្រៀងមួយចំនួនរបស់ BTS ទៀត ដូចជា «Cypher PT.3.» ជាដើម។
៥. Kidoh
តាមព័ត៌មាន Kidoh បានហ្វឹកហាត់ជាមួយ BTS ខ្ទង់ ១ឆ្នាំ ហើយជិតនឹងបាន Debut ទៅហើយ ស្រាប់តែលោកទៅចេញមុខជាមួយ Topp Dogg ទៅវិញ។ ប៉ុន្តែទោះជាយ៉ាងណា លោកក៏នៅតែរក្សាមិត្តភាពល្អជាមួយនឹង RM និង Jin ដដែល។ សូមបញ្ជាក់ផងដែរថា Kidoh បានចាកចេញពីក្រុម Topp Dogg នៅឆ្នាំ ២០១៥។
៦. Suwoong
Suwoong ក៏ជាអ្នកដែលបានរួមសុខរួមទុក្ខជាមួយ BTS មុនពេល Debut ដែល គឺបានខ្ទង់ ១ឆ្នាំកន្លះ លោកក៏សម្រេចចចេញទៅចូលក្រុម Boy's Republic របស់ផលិតកម្ម Universal Music វិញ។ ជាអកុសល ពួកគេក៏ត្រូវផ្អាកចេញបទចម្រៀងតែម្ដងតាំងពីឆ្នាំ ២០១៨។
៧. Reddy
ទំនងជាតារារូបនេះ មិនត្រូវបានគេទទួលយកដល់វគ្គផ្ដាច់ព្រ័ត្រ ក្នុងនាមជាសមាជិកត្រៀមរបស់ BTS ទេ តែលោកបានប្រឡងចូលផលិតកម្មនេះក៏ដើម្បីតែចង់ក្លាយជាសមាជិកក្រុមនេះដែរ។ ប៉ុន្តែទោះមិនបានចេញមុខជាមួយក្រុមនេះ ក៏លោកមានឱកាសបានបង្ហាញមុខជាបន្តបន្ទាប់ក្នុងកម្មវិធីផ្សេងៗដូចជា Show Me the Money និង Tribe of Hip Hop ជាដើមដែរ។
៨. Loco
ក៏ដូច Reddy ដែរ Loco វិញក៏បានដាក់ពាក្យប្រកួតដើម្បីមានឱកាសក្លាយជាសមាជិក BTS តែត្រូវជម្រុះចេញពីកម្មវិធីតាំងពីវគ្គដំបូងៗម្ល៉េះ។ បច្ចុប្បន្នតារារ៉េបរូបនេះ ក៏មិនអន់ដែរ ព្រោះលោកបានបង្ហាញមុខប្រកួត និងឈ្នះទៀតផងពីកម្មវិធី Show Me The Money រដូវកាលទី១ កាលពីឆ្នាំ ២០១២។
៩. Basick
ប្រវត្តិ Basick ជាមួយ BTS ក៏គួរឲ្យភ្ញាក់ដែរ លោកអាចនឹងក្លាយជាសមាជិកនាំមុខម្នាក់ដែរ ហើយតាមពិត BTS ដំបូងឡើយមិនមែន ៧នាក់ទេ គឺគេរៀបទម្រង់ដល់ទៅ ៩ ឬ១០នាក់ឯណោះ ក្នុងនោះក៏មាន Basick ដែរ តែក្រោយមកត្រូវលុបចោលវិញ។
១០. Beenzino
ទោះបីមានសមត្ថភាពខ្ពស់ តែលោកត្រូវខកខានមិនបានក្លាយជាផ្នែកមួយរបស់ BTS ទៅវិញ ប៉ុន្តែយ៉ាងណា Beenzino មិនចុះចាញ់ទេ ហើយលោកបានខិតខំប្រឹងប្រែងបន្ថែមជាមួយអ្វីដែលខ្លួនមាន។ បច្ចុប្បន្ននេះមានសេចក្ដីរាយការណ៍មកថា លោកកំពុងធ្វើការនៅផលិតកម្ម Illionaire Records៕