- 2020-02-20 02:13:44
- ព័ត៌មាន
Chen បង្ហោះសារសរសេរដៃជាលើកទី២ សុំទោសដល់អ្នកគាំទ្រចំពោះរឿងកើតឡើង
- 2020-02-20 02:13:44
- ចំនួនមតិ 0 | ចំនួនចែករំលែក 0
Chen បង្ហោះសារសរសេរដៃជាលើកទី២ សុំទោសដល់អ្នកគាំទ្រចំពោះរឿងកើតឡើង
ចន្លោះមិនឃើញ
ជាថ្មីម្ដងទៀត Chen សមាជិកក្រុម EXO បានផ្ញើសារជូនអ្នកគាំទ្ររបស់ខ្លួនម្ដងទៀតទាក់ទងនឹងព័ត៌មានរវាងលោកនិងគូដណ្ដឹង។
នៅថ្ងៃទី ១៩ ខែកុម្ភៈ Chen បានបង្ហោះសារមួយ ដែលសារសរសេរដោយដៃផ្ទាល់នៅលើទំព័រផ្លូវការរបស់ EXO គឺ Lysn ដោយបានសុំទោសដល់ EXO-L (អ្នកគាំទ្រ EXO) ក្រោយពីផ្ទុះព័ត៌មានថាគូដណ្ដឹងរបស់លោកមានទម្ងន់។ នេះជាលើកទី២ហើយដែល Chen ចេញមុខសុំទោសចំពោះរឿងរ៉ាវដែលបានកើតឡើង បន្ទាប់ពីលោកបានចេញសារលើកដំបូងប្រកាសពីដំណឹងស្នេហាដែលប្រាប់ទៅអ្នកគាំទ្រកាលពីថ្ងៃទី ១៣ ខែមករា។ ក្រោយមកផលិតកម្មក៏បានបញ្ជាក់បន្ថែមថា Chen កំពុងត្រៀមខ្លួនចូលរោងការ ហើយគូដណ្ដឹងរបស់លោកកំពុងមានទម្ងន់។
សម្រាប់សារសុំទោសលើកទី២ របស់ Chen វិញបានសរសេរថា៖
«សួស្ដីអ្នកទាំងអស់គ្នា ខ្ញុំ Chen! បន្ទាប់ពីខ្វល់បារម្ភខ្លាំង ថាគួរបញ្ជាក់ពីអារម្មណ៍ពិតរបស់ខ្ញុំ ពេលនេះខ្ញុំក៏សម្រេចចិត្តសរសេរលិខិតមួយច្បាប់នេះជូន EXOL។
ខ្ញុំព្រួយថា អាចនឹងធ្វើឲ្យអ្នកទាំងអស់គ្នាអន់ចិត្តដោយសារការរៀបពាក្យពេចន៍មិនបានល្អរបស់ខ្ញុំ ប៉ុន្តែដំបូងខ្ញុំគ្រាន់តែចង់សុំទោសចំពោះគ្រប់គ្នា ដែលរង់ចាំពេលនេះ។ ខ្ញុំក៏ចង់សម្ដែងការសុំទោសចំពោះ EXOL ដែលភ្ញាក់ផ្អើលនឹងព័ត៌មានដែលបានកើតឡើងថ្មីៗ។
ពេលសរសេរលិខិតនេះដំបូង ក៏ជាលើកទី១សម្រាប់ខ្ញុំដែលត្រូវមកសរសេរសារបែបនេះដែរ អ៊ីចឹងខ្ញុំបារម្ភថាគួរនិយាយអ្វីខ្លះប្រាប់ដល់ EXOL អ្នកដែលតែងនៅក្បែរ និងនៅជាមួយខ្ញុំគ្រប់ពេល។ មួយទៀត ខ្ញុំសរសេរលិខិតនេះ ក៏ព្រោះខ្ញុំគិតថា ខ្ញុំចង់ជម្រាបរឿងខ្លះដល់អ្នកទាំងអស់មុនគេ តែទោះជាយ៉ាងណា ខ្ញុំក៏ពិបាកចិត្តដែរ ដែលឃើញមនុស្សជាច្រើនឈឺចិត្ត និងយល់ច្រឡំ ដោយសារភាពអន់ខ្សោយក្នុងការប្រើពាក្យសម្ដីឲ្យបានត្រឹមត្រូវ និងមិនចំអ្វីដែលមានក្នុងចិត្ត។
ខ្ញុំក៏ចង់សុំទោសដែលសរសេរលិខិតនេះយឺតពេលដែល ហើយខ្ញុំក៏នឹងប្ដេជ្ញាខិតខំធ្វើការឲ្យកាន់តែខ្លាំងនៅពេលខាងមុខ សូមអរគុណ»៕
