តារាកូរ៉េល្បីៗស្រាក់ដៃគ្នាឧបត្ថម្ភ និងបារម្ភខ្លាំង ចំពោះការរាតត្បាតនៃមេរោគ COVID-19

2020-02-24 07:37:00
ព័ត៌មាន

2020-02-24 07:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គេដឹងហើយថាវីរុសប្រភេទថ្មី COVID-19 បានចាប់ផ្ដើមរាតត្បាតជាបន្តបន្ទាប់ស្ទើរគ្រប់ទីកន្លែងលើពិភពលោក ហើយប្រភពដំបូងគឺចេញពីទីក្រុង Wuhan ប្រទេសចិន ប៉ុន្តែពេលនេះវីរុសនេះកំពុងវាយលុកពេញទំហឹងនៅប្រទេសកូរ៉េ។

ឈានដល់ថ្ងៃទី២៤ ខែកុម្ភៈ បើតាមការបញ្ជាក់ពីអាជ្ញាធរសុខាភិបាលកូរ៉េខាងត្បូង បានរាយការណ៍ថា តួលេខអ្នកឆ្លងកើនដល់ ៧៦៣នាក់ហើយ។ ជាមួយគ្នានេះ ក្រៅពីអាជ្ញាធរពាក់ព័ន្ធ ក៏ឃើញថាមានប្រជាជនជាច្រើន មិនថា ឬក៏អត់ឡើយ បានរួមដៃគ្នា បានសម្ដែងការសោកស្ដាយ ព្រួយបារម្ភ ក៏ដូចជាឧបត្ថម្ភជាជំនួយជាបន្តបន្ទាប់ក្នុងបំណងជួយដល់អ្នកដែលឆ្លង និងជួយទប់ស្កាត់អ្នកដែលមិនទាន់ឆ្លងឲ្យមានការប្រុងប្រយ័ត្នឲ្យបានខ្ពស់។

តារាចិត្តធម៌ទាំងនោះរួមមាន៖

១. Park Seo Joon

ផ្អែកតាមបណ្ដាញផ្សព្វផ្សាយកូរ៉េ តារាសម្ដែងប្រុសរូបនេះបានឧបត្ថម្ភទឹកប្រាក់ដល់ទៅ ១០០លានវ៉ុន (ប្រមាណ ៨១ ៩៨០ដុល្លារ) ក្នុងការជួយដល់ក្រុមពេទ្យដែលត្រូវការសម្ភារៈសង្គ្រោះ និងព្យាបាលដល់អ្នកជំងឹ។

២. Lee Young Ae

កាលពីថ្ងៃទី២១ ខែកុម្ភៈ ក៏មានការបញ្ជាក់ផងដែរ ពីបណ្ដាញផ្សព្វផ្សាយកូរ៉េ ថា តារាជើងចាស់រូបនេះបានឧបត្ថម្ភថវិកាផ្ទាល់ខ្លួនដល់ទៅ ៥០លានវ៉ុន (ប្រមាណ ៤០ ៩៩៣ដុល្លារ) ជួយដល់ប្រជាជនដែលរស់នៅក្នុងក្រុង Daegu ដែលកំពុងរងនូវការគំរាមកំហែងដោយសារវីរុសប្រភេទថ្មី COVID-19។

៣. Hyun Bin

ចំណែកតួប្រុសក្នុងរឿង «Crash Landing On You» ក៏បានសរសេរលិខិតមួយដ៏វែងបញ្ជាក់ពីអារម្មណ៍ពិតរបស់ខ្លួនដែរ ក្រោយដឹងពីចំនួនអ្នកឆ្លងកើនឡើងខ្លាំងពេក។ លោកបានផ្ញើសារ បង្ហាញពីការសោកស្ដាយនឹងអ្វីដែលបានកើតឡើង ក៏ដូចជាក្ដីព្រួយបារម្ភខ្លាំង តាមរយៈផលិតកម្មរបស់ខ្លួន ហើយលិខិតនោះដែរ មាន ៤ភាសា ដូចជាកូរ៉េ អង់គ្លេស ចិន ជប៉ុន។

៤. Kim Go Eun

នៅថ្ងៃទី ២១ ខែកុម្ភៈ អង្គការសប្បុរសធម៌ ក៏បានបង្ហើបដែរថា តួឯកស្រីរឿង «Goblin»។ បានបរិច្ចាគប្រាក់ ១០០លានវ៉ុន (ប្រមាណ ៨១ ៩៨០ដុល្លារ) ដើម្បីជួយដល់តម្រូវការចាំបាច់ ក្នុងការយកទៅទិញសម្ភារៈពេទ្យ ក៏ដូចជាម៉ាសជាច្រើនដល់ក្មេងចាស់ ឬគ្រួសារដែលមានចំណូលទាប។

៥. Jaejoong

លោកត្រូវបានគេដឹងថា បានជួយឧបត្ថម្ភលុយស្ងាត់ៗចំនួន ១០លានវ៉ុន (ជាង ៨ពាន់ដុល្លារ) ដល់មូលនិធិ ប៉ុន្តែបានអ្នកគាំទ្រឃើញឈ្មោះ លើតារាងអ្នកដែលជួយឧបត្ថម្ភ។ ទាក់ទងចំណុចនេះ ដោយសារមានចម្ងល់ច្រើនពេកពីអ្នកគាំទ្រ ផលិតកម្មរបស់លោកក៏បានចេញមកបញ្ជាក់ថាជាការពិត៕

ប្រភព៖ Kenh14 ប្រែសម្រួល៖ យី សុធារី