- 2020-02-26 02:25:54
- ជីវិតតារា
រឿងពិត! គ្រាមួយ អូន ឧស្សាហ៍ គ្រាន់តែដើរឆ្លងផ្លូវ ត្រូវអ៊ុំស្រីម្នាក់លុត១០០ៗតែម្ដង!
- 2020-02-26 02:25:54
- ចំនួនមតិ 0 | ចំនួនចែករំលែក 0
រឿងពិត! គ្រាមួយ អូន ឧស្សាហ៍ គ្រាន់តែដើរឆ្លងផ្លូវ ត្រូវអ៊ុំស្រីម្នាក់លុត១០០ៗតែម្ដង!
ចន្លោះមិនឃើញ
តារាសម្ដែង និងដើរម៉ូដ លោក អូន ឧស្សាហ៍ មានគម្រោងយកកូនមួយទៀត ដើម្បីបញ្ចប់មន្ទិលទស្សនិកជនដែលសង្ស័យថា រូបលោកជាមនុស្សប្រុសសាវា លួចមានស្រីក្បត់ប្រពន្ធ ដែលតាមពិតលោកជាមនុស្សស្មោះត្រង់នឹងប្រពន្ធ កូនសោះនោះ។
លោក អូន ឧស្សា និយាយថា តាមរយៈរឿង "ទឹកចិត្ដប្រពន្ធ" និងរឿង"កាំបិតមុខពីរ" បានធ្វើឲ្យប្រិយមិត្ដខ្លះយល់ច្រឡំលើរូបលោក ថាជាមនុស្សល្មោភកាម និងសាវា ព្រោះរឿងទាំងនេះបានឆ្លុះបញ្ចាំងពីសង្គមពិត តែចិត្ដគំនិតលោកមិនអីចឹងទេ។
លោក អូន ឧស្សា៖ "គេនៅតែច្រឡំ...ដូចពេលមួយខ្ញុំដើរឆ្លងផ្លូវទៅធ្វើការមានអ៊ុំម្នាក់ឃើញខ្ញុំស្រែកជេរហ្មង ថាខ្ញុំមុខមាត់ស្អាតបាត មិនគួរមានចិត្ដថោកទាប ក្បត់ប្រពន្ធ កូន។ ខ្ញុំក៏ប្រាប់គាត់ថា មីង...អាហ្នឹងក្នុងសាច់រឿង ខ្ញុំក្រៅមិនអីចឹងទេ"។
នៅក្នុងឱកាសសម្ពោធចាប់ដៃគូវិនិយោគលើវិស័យដឹកជញ្ជូនរបស់ផលិតកម្មមហាហង្ស ជាមួយក្រុមហ៊ុនអាមេរិកមួយ នាសណ្ឋាគារដេវីដ កាលពីពេលថ្មីៗនេះ។ Sabayបានសួរត្រង់ៗទៅលោកឧស្សាហ៍ថា តើលោកបានផ្ដល់ទំនុកចិត្ដ ឬបង្ហាញពីភាពស្មោះត្រង់ចំពោះភរិយាយ៉ាងណា ក្រោយមានការយល់ច្រឡំនេះ?
ភ្លាមនោះលោក ឧស្សាហ៍បានអូសដៃភរិយាមកក្បែរ ហើយថតរូបជាមួយគ្នា រួចពោលយ៉ាងផ្អែមល្ហែមថា៖" បច្ចុប្បន្នយើងមានកូនប្រុសពីរនាក់ និងស្រីម្នាក់ ហើយគ្រោងយកកូនស្រីម្នាក់ទៀតផង អីចឹងហើយជឿបាននៅ"។
តារារូបសង្ហា និងមានរាងខ្ពស់ស្រឡះនេះ ថា ការដែលគេឯងមិនសូវដឹងពីរឿងប្ដី-ប្រពន្ធលោក អាចដោយសារពិធីមង្គលការរបស់លោកកាលពីជាង១០ឆ្នាំមុននោះ មិនសូវធំដុំ និងមានភ្ញៀវច្រើនដូចមង្គលការរបស់តារាៗបច្ចុប្បន្ន ម្យ៉ាងភរិយាលោកជាអ្នករកស៊ី មិនមែនជាតារា៕
