- 2020-02-26 03:00:00
- ព័ត៌មាន
Yoo In Na ទម្លាយថានាងមិនអាចរៀបការបាន ដោយសារតែ IU ម្នាក់គត់
- 2020-02-26 03:00:00
- ចំនួនមតិ 0 | ចំនួនចែករំលែក 0
Yoo In Na ទម្លាយថានាងមិនអាចរៀបការបាន ដោយសារតែ IU ម្នាក់គត់
ចន្លោះមិនឃើញ
ចូលរួមក្នុងកម្មវិធី «Love in 7.7 Billion» របស់ទូរទស្សន៍ JTBC កាលពីថ្ងៃទី ២៤ ខែកុម្ភៈ កន្លងទៅ ដោយបានទម្លាយរឿងខ្លះទាក់ទងនឹងមិត្តល្អរបស់ខ្លួន IU។
និយាយក្នុងកម្មវិធីថ្ងៃនោះ Yoo In Na ត្រូវជាប់ជាមួយនឹងប្រធានបទរៀបការ ជាមួយនឹងពិធីករផ្សេងទៀត។ អ្វីដែលភ្ញាក់ផ្អើលគឺពេលនោះ In Na បាននិយាយថា នាងពិតជាមិនអាចរៀបការបានទេ ក៏ព្រោះតែ IU។
ឮភ្លាម ប្រាកដជាមានអ្នកឆ្ងល់នឹងសម្ដីរបស់នាង ទើបនាងបញ្ជាក់បន្ថែមថា៖ «ពេលមួយ IU និយាយមកកាន់ខ្ញុំថា យើង២នាក់មិនគួររៀបការទេ ខ្ញុំក៏យល់ស្របជាមួយនាង ហើយថែមទាំងសន្យាទៀតថាអត់រៀងការទេ។ តែទោះជាយ៉ាងណា ប៉ុន្មានដងហើយ នាងតែងប្ដូរចិត្ត ហើយនិយាយផ្សេងទៀតថា យើងគយររៀបការ។ ដល់ហើយ ខ្ញុំក៏យល់ស្របទៀត ហើយនិយាយថាយើងគួរតែរៀបការនៅថ្ងៃមុខ»។
តារាស្រីរូបនេះនៅបានបញ្ជាក់ទៀតថា IU នៅមិនទនា់ច្បាស់នៅឡើយពីរឿងរៀបការ។ នាងលើកឡើងថា៖ «ខ្ញុំមិនដឹងថានាងគិតយ៉ាងណាឲ្យច្បាស់ទេ តែសម្រាប់ខ្ញុំ ថ្ងៃណាដែលមានអ្នកណាម្នាក់ដែលខ្ញុំគិតថាជាមនុស្សល្អសម្រាប់ខ្ញុំ ខ្ញុំនឹងរៀបការជាមួយភ្លាម»។
ដូចអ្នកគាំទ្រជាច្រើនសុទ្ធតែបានជ្រាបថា Yoo In Na និង IU មានទំនាក់ទំនងជិតស្និទ្ធនឹងគ្នា ចាប់តាំអពីពួកគេធ្វើការជាមួយគ្នាក្នុងកម្មវិធី «Heroes» របស់ទូរទស្សន៍ SBS កាលពីពេលកន្លងទៅ។ អ្នកទាំង ២ជាមិត្តល្អដែលតែងយកចិត្តទុកដាក់នឹងគ្នា និងគាំទ្រផ្ដល់កម្លាំងចិត្តឲ្យគ្នាទៅវិញទៅមកមិនដែលខាន៕