- 2020-02-27 08:57:29
- ព័ត៌មាន
នាយ តាក់ស៊ី ទាត់ចោលទាំងស្រុង ក្រោយផ្អើលរឿងទិញឡានបង់រំលស់កាដូឲ្យគូស្នេហ៍ថ្មី
- 2020-02-27 08:57:29
- ចំនួនមតិ 0 | ចំនួនចែករំលែក 0
នាយ តាក់ស៊ី ទាត់ចោលទាំងស្រុង ក្រោយផ្អើលរឿងទិញឡានបង់រំលស់កាដូឲ្យគូស្នេហ៍ថ្មី
ចន្លោះមិនឃើញ
តារាកំប្លែងប្រចាំស្ថានីយ៍ទូរទស្ស C T N នាយតាក់ស៊ី បដិសេធព័ត៌មានដែលថាលោកបានទិញ ឬបង់រំលស់ឡានជូនអនាគតភរិយាលោកនោះ គឺជារឿងមិនពិតឡើយ ដោយលោកបញ្ជាក់ថា ការបញ្ចេញព័ត៌មានបែបនេះ គឺគ្រាន់តែចង់បានការចាប់អារម្មរណ៍ពីទស្សនិកជន ជាពិសេសអ្នកលេងហ្វេសប៊ុក ហើយមានបំណងទិញ ឬបង់រំលស់ឡានតែប៉ុណ្ណោះ។
នាយតាក់ស៊ី បញ្ជាក់ថា សកម្មភាពដែលរូបលោកបានឡាយហ្វេសប៊ុកជាមួយលោក K01 នោះ គឺគ្រាន់តែជាការសម្ដែងប៉ុណ្ណោះ។ ប៉ុន្ដែជាក់ស្ដែងរូបលោកមិនបានទិញ ឬបង់រំលស់ឡានLUXUS 330 ដោយបង់ប្រាក់មុន១៥% រយអ្វីនោះទេ។
នាយតាក់ស៊ី៖"ប្រហែលជាគេមានការយល់ច្រឡំហើយ...នៅក្នុងវីដេអូឡាយរបស់ខ្ញុំជាមួយ K01 នោះ គឺធ្វើឡើងដើម្បីឲ្យមានការចូលមើល ឬចុចLike ច្រើន ហើយចង់បង្ហាញពីការាសលក់ឡានមួយប៉ុណ្ណោះ វាមិនមែនរឿងពិតរបស់ខ្ញុំទេ"។
បើតាមលោកតាក់ស៊ី។ បច្ចុប្បន្នលោកមានប្រភពចំណូលរឹងមាំពីអាជីពជាអ្នកកំប្លែងប្រចាំនៅស្ថានីយ៍ទូរទស្ស C TN តាមរយៈលេងរឿងកំប្លែងដូចជា៖ បានមើលបានសើច ពីគ្រួសារជាដើម។ លោកបន្ថែមថា ក្នុង១ខែលោកទទួលតម្លៃខ្លួនពីការលេងរឿងកំប្លែងទាំងនេះរាប់ពាន់ដុល្លារដែរ ប៉ុន្ដែពេលនេះលោកមិនរវល់ទៅទិញ ឬបង់រំលស់ឡានអ្វីឡើយ៕
