- 2020-02-28 03:35:02
- ព័ត៌មាន
ញាក់សាច់ ធ្មេញ៤គ្រាប់របស់ ណូម័រ មានតម្លៃស្មើឡាន១គ្រឿងឯណោះ!
- 2020-02-28 03:35:02
- ចំនួនមតិ 0 | ចំនួនចែករំលែក 0
ញាក់សាច់ ធ្មេញ៤គ្រាប់របស់ ណូម័រ មានតម្លៃស្មើឡាន១គ្រឿងឯណោះ!
ចន្លោះមិនឃើញ
អ្នកមេម៉ាយវ័យក្មេង ណូម័រ បានបញ្ចេញឲ្យដឹងថា នាងទើបចំណាយប្រាក់អស់ខ្ទង់រាប់ពាន់ដុល្លារអាមេរិក ក្រោយពីធ្មេញរបស់នាងមានបញ្ហា ឈឺចាប់ដោយសារដង្កូវស៊ី ហើយពេទ្យតម្រូវឲ្យនាងត្រូវតែដកចោលខានមិនបាន។
អំពីបញ្ហាសុខភាពមាត់ធ្មេញ អន រ៉ាស៊ីសុមេត្តា ហៅ ណូម័រ ប្រាប់ថា នាងមានបញ្ហានេះជាយូរមកហើយ ដោយដំបូងចាប់ពី១គ្រាប់ រហូតខូចដល់ ៤គ្រាប់។ ចុងក្រោយនាង ក៏សម្រេចទៅពេទ្យពិគ្រោះយោបល់ ហើយពេទ្យប្រាប់ថា ធ្មេញនាង ត្រូវដង្កូវស៊ីអស់៤គ្រាប់ហើយ ហើយបើទុកទៀតវានឹងរាលដល់ធ្មេញផ្សេងៗទៀត។ ដូច្នេះហើយ ដើម្បីកុំអោយអ្វីៗកាន់តែធ្ងន់ធ្ងរ នាងក៏សម្រេចថាដកតែម្ដងទៅ។
ទាំង៤គ្រាប់នេះ តាមតារាស្រីបញ្ជាក់ គឺចំណាយអស់ដល់ទៅ ៤៨០០ដុល្លារអាមេរិកឯណោះ ក្នុងនោះធ្មេញ១គ្រាប់មានតម្លៃ ១២០០ដុល្លារ។ ចំនួនលុយជាង៤ពាន់ដុល្លារនេះ អាចទិញរថយន្តធុនល្មមដូចជាកាមេរីគូទប៉ោង និងកូរ៉ូឡាបាន១គ្រឿងយ៉ាងស្រួល។ ដូច្នេះហើយ ទើបអ្នកគាំទ្រនាងជាច្រើនបានចូលទៅសរសេរសារសម្ដែងការបារម្ភចំពោះនាង ហើយខ្លះទៀត បានលើកឡើងថា តម្លៃនេះ គឺពិតជាតម្លៃខ្ពស់មួយ។
ចំពោះបញ្ហានេះ ណូម័រ លើកឡើងថា បើគិតពីចំនួនលុយ គឺពិតជាច្រើន ហើយនាងក៏ស្ដាយដូចគ្នា ព្រោះថាប្រាក់ពិបាករក ប៉ុន្តែថា សុខភាពក៏រឹតតែពិបាករកថែមទៀត។ អីចឹងហើយ ទើបមិនគិតច្រើន៖ "បើគិតទៅស្ដាយលុយដែរ ប៉ុន្តែជ្រុលជាអីចឹងហើយ ក៏សម្រេចដាក់អាល្អតែម្ដងទៅ កុំឲ្យវាឈឺច្រើនដង...!”។
ពិធីការិនីទូរទស្សន៍ បញ្ជាក់ថា នាងបានឲ្យពេទ្យដាក់ជំនួសវិញដោយធ្មេញប្រភេទ Impaths ដែលធ្មេញប្រភេទនេះ គឺមានតម្លៃថ្លៃជាងធ្មេញធម្មតាច្រើន។ "បើគិតទៅ ច្រើនគួរសមដែរបង តែដើម្បីសុខភាពមាត់ធ្មេញ ក៏ព្រមធ្វើទៅបង ព្រោះថា មាត់ធ្មេញក៏ជាភ្នែកនៃសម្រស់ដែរបងហិហិ!”។ ណូម័រ ថ្លែង។
យ៉ាងណាក៏ដោយ ណូម័រ បានឲ្យដឹងថា នេះនាងមិនបានយកប្រភេទថ្មីល្អកម្រិតលេខ១ ពោលគឺយកត្រឹមកម្រិតលេខ២ផង បើមិនអីចឹង ការចំណាយប្រហែលជាត្រូវគុណនឹង២ផងមិនដឹង៕
