- 2020-03-10 01:52:21
- ព័ត៌មាន
EXO-L នាំគ្នាប្រមូលលុយបរិច្ចាគតំណាងក្រុម EXO ក្នុងយុទ្ធនាការកាពារពីការឆ្លង COVID-19
- 2020-03-10 01:52:21
- ចំនួនមតិ 0 | ចំនួនចែករំលែក 0
EXO-L នាំគ្នាប្រមូលលុយបរិច្ចាគតំណាងក្រុម EXO ក្នុងយុទ្ធនាការកាពារពីការឆ្លង COVID-19
ចន្លោះមិនឃើញ
ក្រុមអ្នកគាំទ្ររបស់ EXO គឺ EXO-L បាននាំគ្នាបរិច្ចាគថវិការហូតដល់ទៅ ១២,៨១លានវ៉ុន (ប្រមាណ ១០ ៦០០ដុល្លារ) បានមកពីការរៃអង្គាស ជួយដល់សកម្មភាពមនុស្សធម៌ ប្រយុទ្ធប្រឆាំងនឹងការឆ្លងមេរោគ COVID-19។
សកម្មភាពសប្បុរសធម៌ពេលនេះរបស់ក្រុមអ្នកគាំទ្រ EXO ធ្វើឡើងក៏ក្នុងនាមជាតំណាងឲ្យក្រុមចម្រៀង EXO ផងដែរ ហើយថវិកត្រូវបានបរិច្ចាគដល់សមាគម Hope Bridge National Disaster Relief Association។
ក៏មានសេចក្ដីរាយការណ៍ដែរថា ក្រុមអ្នកគាំទ្របានចាប់ផ្ដើមរៃអង្គាសលុយត្រឹមតែ ៥ថ្ងៃប៉ុណ្ណោះ។ ដំបូងពួកគេបរិច្ចាគ ១២,៤៨លានវ៉ុន ដែលចំនួនទឹកប្រាក់នេះ គឺដើម្បីឲ្យត្រូវនឹងថ្ងៃចេញមុខដំបូង (Debut) របស់ EXO ដែលត្រូវនឹងថ្ងៃទី ០៨ ខែមេសា ឆ្នាំ ២០១២ ប៉ុន្តែក្រោយមកក៏បន្ថែមបង្គ្រប់ចំនួន ៣៣០ ០០០វ៉ុនទៀត។
ទឹកប្រាក់ដែលប្រមូលបានទាំងនោះ នឹងត្រូវយកទៅប្រើប្រាស់ក្នុងករណីចាំបាច់ផ្សេងៗ ការពារពីការឆ្លងជំងឺ COVID-19 ពិសេសជួយដល់ជនក្រីក្រដែលខ្វះលទ្ធភាព ហើយកាយវិការមនុស្សធម៌នៅពេលនេះ ពិតជាវិសេសវិសាលកាត់ថ្លៃមិនបានឡើយ៕