- 2020-03-13 06:01:52
- ព័ត៌មាន
RM ទាយថាបើជួប Zombie មែន V ត្រូវស្លាប់មុនគេ ឯហេតុផលពីក្រោយចម្លើយញាក់សាច់
- 2020-03-13 06:01:52
- ចំនួនមតិ 0 | ចំនួនចែករំលែក 0
RM ទាយថាបើជួប Zombie មែន V ត្រូវស្លាប់មុនគេ ឯហេតុផលពីក្រោយចម្លើយញាក់សាច់
ចន្លោះមិនឃើញ
នៅជាមួយគ្នារាប់ឆ្នាំ BTSច្បាស់ជាដឹងច្បាស់ថាសមាជិកម្នាក់ៗមានចរិតបែបណា? ហើយអ្នកដែលប៉ិនសង្កេត និងដឹងច្បាស់ជាងគេ គ្មានអ្នកណាក្រៅពី RM នោះទេ។
មើលតាំងពីចំណង់ចំណូលចិត្ត និងអ្វីដែលសមាជិកមិនចូលចិត្ត RM ដឹងទាំងអស់ថាអ្នកណាមាន ទម្លាប់បែបណា។ លោកថែមទាំងអាចទាយដឹងទៀតថា បើស្ថិតក្នុងស្ថានភាពភ័យរន្ធត់ណាមួយ ឧទាហរណ៍ដូចជា ប្រសិនមាន Zombie មកធ្វើបាបពិតប្រាកដ តើអ្នកណាដែលត្រូវមានបញ្ហាខ្លាំងជាងគេ។
ដូចនៅក្នុងភាគមួយរបស់ Run Of BTS! អ្នកគាំទ្រដែលបានទស្សនាច្បាស់ជាដឹងថា អ្នកណាដែលខ្លាចជាងគេ ហើយអ្នកណាដែលមិនខ្លាចសោះ។ ពិតណាស់ Jin, J-Hope និង Suga គឺជាអ្នកដែលខ្លាចបំផុត ព្រោះពួកគេស្រែករហូត ប៉ុន្តែធាតុពិតយ៉ាងណា RM ទម្លាយហើយ។
កាលពីបង្ហាញមុខក្នុងកម្មវិធី Fan Sign មានន័យថាច្រើនឆ្នាំដែរ មុនវីដេអូ Run of BTS! ចាក់ផ្សាយ RM ត្រូវបានគេឲ្យជ្រើសថាតើសមាជិកក្រុមម្នាក់ណាដែលអាចនឹងស្លាប់មុនគេ បើមាន Zombie តាមធ្វើបាបមែន។ ភ្លាមៗ លោកជ្រើសយក V។
ពេលនោះដែរ សំណួរក៏មកបន្តទៀតថា ហេតុអ្វីជា V? RM ថា៖ ទី១ ដោយសារ V អត់ចេះខ្លាចអីទាំងអស់ ទី២ V ហ៊ានទៅជូយអ្នកផ្សេងទៀត ដោយមិនគិតពីខ្លួនឯង ទី៣ V ហ៊ានទាំងរាប់អានមនុស្សស្លាប់ធ្វើជាពួកម៉ាក ព្រោះថាអ្នកទាំងនោះអាចនឹងឯកាខ្លាំង។
ដូចនេះសរុបមកវិញ មិនមែនបានន័យថា V ជាមនុស្សខ្លាចខ្មោចខ្លាំងដល់ថ្នាក់ភ័យសន្លប់ទេ ប៉ុន្តែដោយសារភាពក្លាហានរបស់លោកទៅវិញទេ អាចបង្កជាគ្រោះថ្នាក់ពេលជួបស្ថានភាពនោះ៕