- 2020-03-16 05:23:49
- ព័ត៌មាន
លទ្ធផលចេញហើយ! បន្ទាប់ពីប្ដី តារាចម្រៀង Lydia ក៏ឆ្លង COVID-19 ដែរ
- 2020-03-16 05:23:49
- ចំនួនមតិ 0 | ចំនួនចែករំលែក 0
លទ្ធផលចេញហើយ! បន្ទាប់ពីប្ដី តារាចម្រៀង Lydia ក៏ឆ្លង COVID-19 ដែរ
ចន្លោះមិនឃើញ
តារាចម្រៀងល្បីប្រចាំប្រទេសថៃ បានប្រកាសជាសាធារណៈហើយក្រោយទទួលលទ្ធផលថា ខ្លួនពិតជាបានឆ្លងមេរោគ COVID-19 មែន បន្ទាប់ពីប្ដីបានប្រកាសថាមានផ្ទុកមេរោគនេះកាលពីថ្ងៃសុក្រ ទី ១៣ ខែមីនា ឆ្នាំ២០២០។
ជាក់ស្ដែងនៅព្រឹកថ្ងៃទី ១៦ ខែមីនា ឆ្នាំ ២០២០ Lydia Sarunrat បានបង្ហោះព័ត៌មានថា លទ្ធផលត្រួតពិនិត្យសុខភាពចេញមកហើយ ហើយនាងពិតជាមានផ្ទុកមេរោគ COVID-19 មែន។
ភ្ជាប់ជាមួយគ្នានោះ Lydia ក៏បានសរសេរដែរថា៖ «អ្វីដែលសំខាន់ពេលនេះ គឺតាំងសតិឲ្យបានល្អ ក្នុងកាលៈទេសៈបែបនេះ ត្រូវតស៊ូប្រឆាំងតទៀត។ អ្វីដែលពិបាកបំផុតនោះគឺ ត្រូវនិយាយលាគ្រួសារ និងកូនៗ ត្រូវឲ្យកូនៗទាំង ២ រស់នៅដោយគ្មានប៉ា និងម៉ាក់សិន ហើយមិនដឹងថាទ្រាំរយៈពេលយូរប៉ុនណាទៀត តែយ៉ាងហោចណាស់ក៏នៅមានលោកយាយ លោកតា ដែលនៅមើលថែពួកគេ។ សង្ឃឹមថា Demi មិនភ្លេចម៉ាក់ សង្ឃឹមថា Dylan មិនខឹងដែលប៉ាម៉ាក់បាត់មុខភ្លាមៗ។ ចាំ Mummy និង Daddy ត្រឡប់មកវិញណាកូន ហាមយំ ព្រោះទឹកភ្នែកអាចមានមេរោគ»។
អ្វីដែលនាងបានសរសេរនេះពិតជាធ្វើឲ្យអ្នកដែលបានឃើញក្ដុកក្ដួលខ្លាំងណាស់ ព្រោះនាងត្រូវប្រឆាំងអត់ទ្រាំតស៊ូ នឹងមេរោគកំណាច ហើយត្រូវឃ្លាតឆ្ងាយពីកូនតូចៗ ដើម្បីទោព្យាបាលខ្លួនឲ្យជាទៀត។ ឃើញដូចនេះទាំងអ្នកគាំទ្រ ពិសេសមិត្តភ័ក្ដិរួមអាជីពបាននាំគ្នាជូនពរនាងឲ្យឆាប់ជាសះស្បើយ និងផ្ដល់កម្លាំងចិត្តនាង និងស្វាមីគ្រប់គ្នា៕
