- 2020-04-08 04:56:01
- ព័ត៌មាន
BTS បំបែកកំណត់ត្រាថ្មីលើ YouTube យកឈ្នះ «Gangnam Style» ដាច់
- 2020-04-08 04:56:01
- ចំនួនមតិ 0 | ចំនួនចែករំលែក 0
BTS បំបែកកំណត់ត្រាថ្មីលើ YouTube យកឈ្នះ «Gangnam Style» ដាច់
ចន្លោះមិនឃើញ
វីដេអូបទចម្រៀង «Gangnam Style» របស់ PSY នៅតែជាកំពូល MV របស់ K-Pop ដែលមានអ្នកចូលមើលដល់ទៅ ៣,៥៧ពាន់លានដង ជាចំនួន Views ដែលមិនងាយមានបទ K-Pop ណាមកផ្ដួលបាន។
ទោះជាយ៉ាងណា BTS ឯណេះវិញក៏មានសមត្ថភាពផ្សេងមួយទៀតដែលអាចយកឈ្នះ MV «Gangnam Style» ដែរ បើទោះបីចំនួនចូលមើលបទនេះ បច្ចុប្បន្ននៅត្រឹម ៩៥២លានដងក៏ពិតមែន ប៉ុន្តែបើគិតពី Comment លើ YouTube របស់បទនេះ គឺច្រើនដល់ទៅ ៥,០៧លាន Comment ឯណោះ។ ចំនួននេះពិតជាបានយកឈ្នះ MV របស់ PSY ដែលមានត្រឹមតែខ្ទង់ ៥,០៤លាន Comment ប៉ុណ្ណោះ។
«DNA» គឺជាវីដេអូបទចម្រៀងដែលយកឈ្នះកំណត់ត្រាថ្មីមួយនេះ ហើយវាក៏ជាបទដំបូងរបស់ BTS ដែលអាចបំបែកប្រវត្តិសាស្ត្រឈានជើងឡើងលើតារាង Billboard Hot 100 ដោយឈរនៅចំណាត់ថ្នាក់លេខ ៦៧។
មួយវិញទៀត ដោយសារបទនេះមានអ្នកចូលមើលច្រើនមិនធម្មតានោះ ដូចនេះអ្នកគាំទ្រ K-Pop ជឿជាក់ថា បទនេះអាចនឹងក្លាយជាជើងខ្លាំងទី ៣ដែលមានអ្នកចូលមើលដល់ខ្ទង់ ពាន់លានដង បន្ទាប់ពី បទ «Gangnam Style» និង «DDU-DU DDU-DU»៕
