- 2016-12-15 01:30:00
- ព័ត៌មាន
សុខ ស្រីនាង ឡើងតម្លៃខ្លួនខ្ពស់ជាងមុន
- 2016-12-15 01:30:00
- ចំនួនមតិ 0 | ចំនួនចែករំលែក 0
សុខ ស្រីនាង ឡើងតម្លៃខ្លួនខ្ពស់ជាងមុន
ចន្លោះមិនឃើញ
ម្ចាស់បទ "នៅSingleឯកាមានសង្សារខូចចិត្ត" បានលើកឡើងថា ខណៈពេលនេះតម្លៃខ្លួនរបស់នាងឡើងខ្ពស់ជាងមុន ដែលចេញច្រៀងមួយកម្មវិធីនាងទទួលបានចន្លោះពី១៥០០ ដុល្លារទៅ១៨០០ ដុល្លារ។
ស្រីនាង បានឲ្យដឹងថា បើប្រៀបធៀបកាលពីពេលមុនគឺខុសគ្នាឆ្ងាយពីមុននាងទទួលបានពី ១០០០ ដុល្លារ ទៅ១២០០ ដុល្លារក្នុងមួយកម្មវិធី។ "ច៎ាសអូនតម្លៃខ្លួនបងទើបតែឡើងនៅពាក់កណ្តាលឆ្នាំ២០១៦ នេះទេអូន ហើយបងគិតថាតម្លៃខ្លួននេះវាសក្តិសមសម្រាប់បងមិនថ្លៃខ្ពស់ពេក ឬទាបពេកនោះទេគឺសមល្មមដែលបងអាចទទួលយកបាន"។ សុខ ស្រីនាង ថ្លែង។
ម្ចាស់បទ "គេទៅចោលយើងហើយ" បន្ថែមថា តម្លៃខ្លួនដែលបានរៀបរាប់ខាងលើនេះជាតម្លៃខ្លួន ដែលចេញទៅច្រៀងនៅតាមបណ្តាខេត្តតាមកម្មវិធីធំ ឬកម្មវិធីតូច។ បើកម្មវិធីតូចនៅតាមបណ្តាខេត្តតម្លៃខ្លួន១៥០០ ដុល្លារ តែបើកម្មវិធីធំតម្លៃ១៨០០ ដុល្លារតែម្តង។
“បើតម្លៃច្រៀងនៅភ្នំពេញវិញបងយកតម្លៃផ្សេងអូន មិនថ្លៃដូចនៅតាមខេត្តទេ តែបងសុំមិនបញ្ជាក់ពីតម្លៃពិតប្រាកដនោះទេ។ ពេលខ្លះមានការយោគយល់ច្រើនក៏បញ្ចុះតម្លៃទៅ មិនបានទៅតាមអ្វីដែលយើងកំណត់នោះទេអូន ហើយមើលទៅតាមកម្មវីធីដែរ"។ សុខ ស្រីនាង បញ្ជាក់៕