- 2016-12-26 07:00:38
- ជីវិតតារា
តិចដល់គូព្រេង! សុខ ស្រីនាង សុបិនឃើញពស់ដេញចឹក
- 2016-12-26 07:00:38
- ចំនួនមតិ 0 | ចំនួនចែករំលែក 0
តិចដល់គូព្រេង! សុខ ស្រីនាង សុបិនឃើញពស់ដេញចឹក
ចន្លោះមិនឃើញ
សុខ ស្រីនាង បានប្រាប់មកកាន់Sabayថា កន្លងមកនាងធ្លាប់យល់សុបិនឃើញពស់ដេញចឹកច្រើនដង តែត្រូវបាននាងវាយឲ្យងាប់ទាំងអស់។
“ច៎ាសអូន...បងធ្លាប់ដេកយល់សប្តិឃើញពស់រាប់មិនអស់ ជាពិសេសគឺពស់វែកតែម្តងពួកវាតាមដេញចឹកបង នៅក្នុងយល់សប្តិ បងពិតជាភ័យណាស់ពេលឃើញពស់ម្តងៗ គឺបងដឹងតែវាយវាឲ្យងាប់ហើយវាមិនដែលចឹកបងបានម្តងណាទេ បងស្អប់សត្វពស់ខ្លាំងណាស់ទើបក្នុងយល់សប្តិបងវាយវាឲ្យងាប់"។ ស្រីនាង ថ្លែង។
ម្ចាស់បទ"គេទៅចោលយើងហើយ" បន្តថា ក្រោយពីរូបនាងយល់សុបិន្តឃើញសត្វពស់ ពេលភ្ងាក់ពីគេងតែងតែសួរទៅម្តាយឬក៏បងប្អូនអំពីសុបិនមួយនេះ ម្តាយរបស់នាងក៏ប្រាប់ថាបើសុបិនឃើញពស់ចឹក និងរឹតរួតរើទៅណាមិនរួចបានន័យថាដល់គូហើយ តែបើក្នុងសុបិន្តនោះវាយពស់ឲ្យស្លាប់មិនទាន់ដល់គូនោះទេបុរសនោះបានត្រឹមតែស្រឡាញ់តែប៉ុណ្ណោះ។
សុខ ស្រីនាង បន្ថែមថា៖ " បងជឿនៅអ្វីដែលម៉ាក់បងគាត់កាត់យល់សប្តិឲ្យបង ព្រោះបងធ្លាប់មានបទពិសោធន៍កន្លងមកណាអូន ព្រោះមួយរយៈចុងក្រោយនេះបងយល់សប្តិវាយពស់ងាប់រហូត ទើបបុរសមួយចំនួនបានត្រឹមតែសុំស្រឡាញ់បង ទោះបងប្រាប់អូនថាគ្មានអ្នកស្រឡាញ់ក៏អូនមិនជឿដែរ"។
ទោះបីជាអ្នកនាង សុខ ស្រីនាង យល់សុបិន្តឃើញសត្វពស់ និងមានបុរសៗតាមសុំស្នេហ៍លើរូបនាងក៏ដោយ នៅក្នុងពេលនេះនាងសុំមិនទាន់គិតគូរពីរឿងស្នេហានោះទេ ព្រោះកំពុងជាប់រវល់ខ្លាំងជាមួយការងារសិល្បៈ។ សុខ ស្រីនាង បញ្ជាក់៕
