- 2017-01-31 03:00:59
- ព័ត៌មាន
ឧកញ៉ាសប្បុរស ឌួង ឆាយ បន្តសកម្មភាពសប្បុរស ចេញមុខជួយឧបត្ថម្ភ តា ចេក ទៀត!
- 2017-01-31 03:00:59
- ចំនួនមតិ 0 | ចំនួនចែករំលែក 0
ឧកញ៉ាសប្បុរស ឌួង ឆាយ បន្តសកម្មភាពសប្បុរស ចេញមុខជួយឧបត្ថម្ភ តា ចេក ទៀត!
ចន្លោះមិនឃើញ
ក្រោយពីទទួលបានការទទួលស្គាល់ថាជាឧកញ៉ាមានចិត្តសប្បុរសមួយរូប តាមរយៈសកម្មភាពក្នុងកិច្ចការងារសង្គម និងសប្បុរសធម៌នានា ឥឡូវនេះលោកឧកញ៉ា ដួង ឆាយ បានបន្តសកម្មភាពដល់សង្គមសិល្បៈទៀត ដោយលោកបានចូលរួមឧបត្ថម្ភតាចេក តារាកំប្លែងក្នុងក្រុមនាយកុយដែលកំពុងជួបទុក្ខ។
លោកឧកញ៉ា បានបង្ហោះសារនៅលើទំព័រហ្វេសប៊ុកថា លោកបានជូនថវិកា៤០ ម៉ឺនរៀលដល់អ្នកកំប្លែងជើងចាស់លោកតាចេក តាមរយៈតារាចម្រៀងលោក សាន ផានិត ដើម្បីជួយសម្រាលការលំបាករបស់តារាកំប្លែងជើងចាស់ដែលកំពុងមានទុក្ខ។
បន្ថែមពីលើថវិការខាងលើ ឧកញ៉ា វ័យក្មេងរូបនេះនៅបន្តលើកទឹកចិត្តឲ្យលោកតាចេក កុំអស់សង្ឃឹម និងយកចិត្តទុកដាក់មើលថែរក្សាសុខភាពឲ្យឆាប់សះស្បើយ។
ត្បិតថវិកាជំនួយមិនច្រើន ប៉ុន្តែសកម្មភាពរបស់លោក ទទួលបានការសាទខ្លាំងពីអ្នកស្រឡាញ់ចូលចិត្តលោកលើបណ្ដាញសង្គម។ ជាចុងក្រោយ លោក ឌួង ឆាយ ក៏បានអំពាវនាវដល់ពុកម៉ែបងប្អូនបើសិនជាចង់ជួយលោកតាចេក អាចទាក់ទងទៅតារាចម្រៀង សាន ផានិត បាន។
ពាក់ព័ន្ធបញ្ហានេះ តារាចម្រៀង លោក សាន ផានិត ដែលតំណាងឧកញ៉ា ដួង ឆាយ នាំយកថវិកាទៅជួយតា ចេក ក៏បានបង្ហោះសារនៅលើហ្វេសប៊ុកអមជាមួយរូបតាចេកថា មានជីវិតត្រូវមានការចែករំលែកបន្ទាប់ពីយើងអាចជួយខ្លួនឯងបាន ចំណែកមូលនិធិមនុស្សធម៌មិនមែនជាអាជីវកម្មឡើយ៕