- 2017-03-03 03:29:56
- ស្ទីលតារា
ភូមិគ្រឹះ Michael Jackson ដាក់លក់ម្ដងទៀតធ្លាក់ថ្លៃ៣៣លានដុល្លារ
- 2017-03-03 03:29:56
- ចំនួនមតិ 0 | ចំនួនចែករំលែក 0
ភូមិគ្រឹះ Michael Jackson ដាក់លក់ម្ដងទៀតធ្លាក់ថ្លៃ៣៣លានដុល្លារ
ចន្លោះមិនឃើញ
អតីតភូមិគ្រឹះរបស់តារាចម្រៀងប៉ុបអាមេរិកMichael Jackson គេឲ្យឈ្មោះថា Neverland Ranch មានទីតាំងនៅ Santa Barbara រដ្ឋ California កំពុងដាក់លក់លើទីផ្សារម្ដងទៀត តែតម្លៃលក់ធ្លាក់ថ្លៃយ៉ាងគំហុក។
យ៉ាងណា ក្នុងពេលបច្ចុប្បន្នទីកន្លែងនោះត្រូវបានប្ដូរឈ្មោះជា "Sycamore Valley Ranch” ហើយទំហំដី២៧០០ហិកតារនៅទីនោះត្រូវបានកាន់កាប់អស់ហើយ។
ភូមិគ្រឹះមួយនេះធ្លាប់បានដាក់លក់ម្ដងលើទីផ្សារកាលពីឆ្នាំ២០១៥ ក្នុងតម្លៃ ១០០លានដុល្លារ (៨០លានផោន) តែបរាជ័យក្នុងការលក់ ។ ឥលូវនេះ តម្លៃផ្ទះនៅត្រឹម ៦៧លានដុល្លារ (៥៤លានផោន) ដែលអាចជួយឲ្យអ្នកទិញចំណេញបាន ៣៣លានដុល្លារ (២៦លានផោន) ក្នុងពេលខាងមុខ។
Michael Jackson បានទិញភូមិគ្រឹះនោះកាលពីឆ្នាំ ១៩៨៨ ដែលជាផ្ទះមានសួនច្បារសម្រាប់លម្ហែកម្សាន្ត ជាមួយនឹងសួនសត្វ និងមានរថភ្លើងបែប Disney ក៏ដូចជាផ្លូវដែកតូចៗផងដែរ។ ហើយនៅក្នុងផ្ទះមានបន្ទប់ទឹក ធំ២ បន្ទប់ដាក់ខោអាវធំ២ សួនច្បារផ្ទាល់ខ្លួនមួយ និងបន្ទប់គេងចំនួន៤។ លើសពីនេះទៅទៀត ក៏នៅមានអ្វីជាច្រើនទៀតដែលអ្នកមិននឹកស្មានដល់ដូចជា នៅទីធ្លានោះមានរោងកុនដែលមានកៅអី៥០មួយកន្លែង បន្ទប់សម្រាប់រាំកម្សាន្តមួយ ផ្ទះសំណាក់២ (ដែលអាចឲ្យមនុស្សទៅសម្រាកលម្ហែបាន ៦នាក់) អាងហែលទឹកមួយ បន្ទប់ក្រោមដី កន្លែងលេងកីឡា និងស្ថានីយពន្លត់អគ្គិភ័យមួយកន្លែងទៀតផង។
ផ្អែកលើភ្នាក់ងារអចលនទ្រព្យ Joyce Rey បានបង្ហាញថា អចលនទ្រព្យនេះគឺព័ទ្ធជុំវិញដោយវាលស្មៅ សួនច្បារ ដើមឈើ បឹងដ៏ស្រស់ស្អាតជាមួយនឹងទឹកជ្រោះ ហើយក៏មានឆ្នេរសមុទ្រផងដែរ។
គួររំលឹកផងដែរថា ភូមិគ្រឹះត្រូវបានគេទិញកាលពីឆ្នាំ ២០០៨ក្នុងតម្លៃ២២,៥លានដុល្លារ នៅពេលដែល Michael ជួបប្រទះវិបត្តិហិរញ្ញវត្ថុ ហើយក្រោយមកមួយឆ្នាំ លោកក៏បានទទួលមរណភាពនៅអាយុ ៥០ឆ្នាំ៕