- 2017-03-29 02:38:34
- ស្ទីលតារា
David Beckham ប្រែមុខដល់ថ្នាក់លែងមានអ្នកចំណាំ ព្រោះអ្វីទៅ?
- 2017-03-29 02:38:34
- ចំនួនមតិ 0 | ចំនួនចែករំលែក 0
David Beckham ប្រែមុខដល់ថ្នាក់លែងមានអ្នកចំណាំ ព្រោះអ្វីទៅ?
ចន្លោះមិនឃើញ
David Beckham បានទាក់ទាញចិត្តមនុស្សស្រី ស្ទើរគ្រប់ទីកន្លែង ដោយសាររូបរាងដ៏ទាក់ទាញរបស់ លោក។ ប៉ុន្តែកាលពីថ្ងៃអង្គារ លោកបង្ហាញរូបថតមួយសន្លឹកនៅលើ Instagram របស់លោកធ្វើឲ្យអ្នកគាំទ្រជាច្រើនមានភាពភ្ញាក់ផ្អើល ស្ទើរមិនជឿថាជាលោក។
អតីតកីឡាករបាល់ទាត់វ័យ ៤១ឆ្នាំ រូបនេះ បានបង្ហោះរូបថតដំបូងរបស់ខ្លួនពេលដើរក្នុងរឿង "King Arthur: Legend of the Sword”។ ជំនួសដោយរូបស្អាតសង្ហា តារាប្រុសរូបនេះបានបង្ហាញរូបភាពដ៏អាក្រក់ ដោយសារស្លាកស្នាមពេញមុខ ធ្មេញទៅជាពណ៌លឿងអស់ ដែលនាំឲ្យអ្នកគាំទ្រលើ Instagram ខ្លាចរអាគ្រប់គ្នា។
តាមរយៈរូបភាពដ៏គួរឲ្យខ្លាចនេះ អ្នកគាំទ្រមានអារម្មណ៍ភ្ញាក់ផ្អើលណាស់ ព្រោះមុខមាត់របស់លោកទាំងស្រុងស្ទើរតែមិនអាចចំណាំបាន តែក៏មានអ្នកគាំទ្រផ្សេងទៀតគិតថា តារាសំណព្វចិត្តពួកគេមានរឿងអ្វីកើតឡើង ហើយថែមទាំងជូនពរឲ្យឆាប់ជាសះស្បើយទៀតផង។
ខ្សែភាពយន្តថ្មីនេះ ដឹកនាំផ្ទាល់ដោយលោក Guy Ritchie ដែលត្រូវបានស្គាល់ថាជាមិត្តជិតស្និទ្ធរបស់ David Beckham ។ រឿងមួយនេះនឹងត្រូវចាក់បញ្ចាំងនៅរោងកុននៅចុងឆ្នាំ ដែលមានតារាសម្ដែង Chalie Hunnam ដើរជាតួឯក "King Arthur" និងតារាប្រុសស្រីហូលីវូដល្បីៗជាច្រើនទៀត ក្នុងនោះ David ដើរតួជា "Blackleg Leader"នេះបើតាម IMDB។
គួរបញ្ជាក់ផងដែរថានេះមិនមែនជា លើកទីមួយរបស់តារាប្រុសកូន៤រូបនេះ និងអ្នកដឹកនាំរឿង Ritchie ទេ ពោលគឺពួកគេក៏ធ្លាប់រួមការងារជាមួយគ្នាក្នុងការថតពាណិជ្ជកម្ម ឲ្យក្រុមហ៊ុនដ៏ល្បី H&M ផងដែរ៕