_medium.jpg)
- 2017-04-23 09:32:23
- ព័ត៌មាន
ពិតជាគួរឲ្យសោកស្ដាយ ភរិយា រិន សាវ៉េត បាត់បង់ជីវិតមុននេះទៅហើយ!
- 2017-04-23 09:32:23
- ចំនួនមតិ 0 | ចំនួនចែករំលែក 0
ពិតជាគួរឲ្យសោកស្ដាយ ភរិយា រិន សាវ៉េត បាត់បង់ជីវិតមុននេះទៅហើយ!
ចន្លោះមិនឃើញ
តាមព័ត៌មានដែលក្រុមការងារយើងទទួលបាន ភរិយា តារាចម្រៀង រិន សាវ៉េត អ្នកស្រី គង់ សាវី អាយុ ៣៧ឆ្នាំ បានស្លាប់មុននេះទៅហើយ ក្រោយពីមិនអាចទ្រាំទ្រនឹងជំងឺមហារីកបាន ដែលដំណាក់កាលចុងក្រោយនេះ បានរាលដល់ខួរក្បាល និងសួតទៀត។ នេះបើតាមលោក ម៉ារ៉ា បុណ្ណា អះអាងប្រាប់ Sabay ។
តារាចម្រៀង និងសម្ដែងរូបនេះ ប្រាប់ទៀតថា ភរិយា រិន សាវ៉េត បានផុត(ស្លាប់) នៅម៉ោងប្រមាណជាង ៣ រសៀលថ្ងៃនេះ។ "គ្រាន់តែក្រុមគ្រួសារយកទៅដល់ស្រុកកំណើត គាត់ក៏ផុត ឥឡូវខ្ញុំកំពុងតែរៀបចំទៅបុណ្យ ប្រហែលជាយប់បន្តិចខ្ញុំទៅហើយ!"។
លោក រិន សាវ៉េត បានឆ្លើយប្រាប់ក្រុមការងារយើងមុននេះថា ភរិយា លោកបានផុតនៅម៉ោង ៣ និង១០នាទី។ ភរិយា រិន សាវ៉េត កើតជំងឺមហារីកសុដន់ធ្ងន់ធ្ងរ ធ្លាប់ចូលសម្រាកពេទ្យម្ដងកាលពីខែមករា និងលើកទី២កាលពីចុងសប្ដាហ៍មុន។ ជំងឺ បានវិវត្តន៍ដល់ដំណាក់កាលចុងក្រោយ ដោយមេរោគបានរាលដល់ខួរក្បាល និងសួត ថែមទៀត ជាហេតុធ្វើឲ្យអ្នកស្រីមិនអាចទ្រាំទ្របាន។
សព ត្រូវបានក្រុមគ្រួសារ កំពុងរៀបចំធ្វើបុណ្យនៅស្រុកត្រាំកក់ខេត្តតាកែវដែលជាស្រុកកំណើតរបស់អ្នកស្រី៕
