- 2017-05-29 06:12:14
- ជីវិតតារា
អាយុគ្រាន់ជាតួលេខ Michael Jackson យកតួ "Home Alone" អាយុត្រឹម១០ឆ្នាំ ធ្វើមិត្តភ័ក្ដិជិតស្និទ្ធ
- 2017-05-29 06:12:14
- ចំនួនមតិ 0 | ចំនួនចែករំលែក 0
អាយុគ្រាន់ជាតួលេខ Michael Jackson យកតួ "Home Alone" អាយុត្រឹម១០ឆ្នាំ ធ្វើមិត្តភ័ក្ដិជិតស្និទ្ធ
ចន្លោះមិនឃើញ
អ្វីៗគ្រប់យ៉ាងកើតឡើងមិនមែន ទាល់តែគោរពតាមច្បាប់ធម្មជាតិទេ ហើយក៏មិនមែនទាល់តែមានអាយុស្របាលគ្នាទើបអាចរាប់អានគ្នាជាមិត្តបានដែរ ប៉ុន្តែវាអាស្រ័យលើនិស្ស័យ គួបផ្សំនឹងចំណង់ចំណូលចិត្តដូចគ្នាទៅវិញទេ។
ជាក់ស្ដែងចំពោះស្ដេចចម្រៀងប៉ុប Michael Jackson មានវ័យច្រើនទៅហើយ ប៉ុន្តែមិត្តល្អរបស់លោកគឺអតីតតួក្មេងប្រុសក្នុងរឿង "Home Alone” Macaulay Culkin ។ បើនិយាយពីអាយុរបស់អ្នកទាំង ២ គឺខុសគ្នារហូតទៅដល់ ជាង២០ឆ្នាំឯណោះ។
បើតាមវិបសាយ Lipstick Alley លោក Macaulay Culkin ធ្លាប់បាននិយាយថា៖ “Michael Jackson គឺជាមនុស្សដ៏សំខាន់ម្នាក់ក្នុងជីវិតរបស់ខ្ញុំ និងជាមិត្តដ៏ល្អរបស់ខ្ញុំ។ គាត់ដឹងពីអ្វីដែលខ្ញុំបានឆ្លងកាត់ និងយល់ពីខ្ញុំច្រើនណាស់"។
វិបសាយដដែលបាននិយាយទៀតថា នៅអាយុ ១០ឆ្នាំ Macaulay បានទទួលភាពល្បីល្បាញខ្លាំងតាមរយៈរឿង "Home Alone” ហើយពេលនោះក៏ជាពេលដែលទំនាក់ទំនងរបស់លោក និងស្ដេចចម្រៀងប៉ុប មានភាពរឹងមាំខ្លាំងដែរ។
ដោយឡែកវិបសាយមួយទៀតដែលមានឈ្មោះថា MJandboys ក៏បានអះអាងថា ពីមិត្តភាពដ៏ល្អរបស់តារាប្រុសទាំង ២នេះដែរ គឺចាប់ផ្ដើមពេល Macaulay មានអាយុត្រឹម ១០ឆ្នាំ ហើយរឹតតែច្បាស់ នៅពេលតារាសម្ដែងរូបនេះ មានវត្តមានក្នុងវីដេអូបទចម្រៀង "Black or White" របស់ Jackson ក្នុងឆ្នាំ ១៩៩១។
លើសពីនេះទៅទៀត Jackson ក៏បានឲ្យមិត្តតូចរបស់លោកម្នាក់នេះ សម្ដែងក្នុងបទថ្មីមួយទៀតមានចំណងជើងថា "Jam” ហើយក៏ជាឱកាសល្អរបស់ Macaulay ដែលបានជួបនឹង អតីតកំពូលកីឡាករបាល់បោះអាជីព Michael Jordanដែរ។ លើសពីនេះ Jackson ក៏ធ្លាប់ចូលរួមសម្ដែងជាមួយ Macaulay ក្នុងរឿង "Home Alone” វគ្គ ២ដែរ នៅឆ្នាំ ១៩៩២។
ទោះជាយ៉ាងណាក៏ដោយទំនាក់ទំនងមួយនេះបានឃ្លាតឆ្ងាយមួយរយៈ ដោយសារនៅពេល Macaulay មានអាយុ ១៤ឆ្នាំ លោកបានឃ្លាតឆ្ងាយពីពិភពហូលីវូដ ដោយសារឈប់សម្ដែងទៀត ហើយម្យ៉ាងទៀត លោកក៏លែងបានទៅលេង Michael ទៀតដែរ។
ទោះបីអ្វីៗ កន្លងហួសទៅក៏ពិតមែន តែអតីតតួក្មេងប្រុសដ៏ល្បីរូបនេះ នៅតែចងចាំពេលវេលាល្អៗ ជាមួយមិត្តល្អរបស់លោកជានិច្ច៕
*ចុចអាន៖
-តួឯករឿង Home Alone ស្និទ្ធស្នាលជាមួយកូន Michael Jackson ដល់ម្លឹង
-កូនតូចដែល Michael Jackson វិះគ្រវែងពីលើអគារ ពេលនេះកម្លោះស្ដូក