- 2017-06-20 04:53:01
- ជីវិតតារា
ជួបរឿងរ៉ាវច្រើន ស្វែង សុជាតា គ្រោងនាំស្វាមី ចេញទៅសាងផ្នួសសាជាថ្មី
- 2017-06-20 04:53:01
- ចំនួនមតិ 0 | ចំនួនចែករំលែក 0
ជួបរឿងរ៉ាវច្រើន ស្វែង សុជាតា គ្រោងនាំស្វាមី ចេញទៅសាងផ្នួសសាជាថ្មី
ចន្លោះមិនឃើញ
នៅក្នុងអំឡុងខែកក្កដា ឆ្នាំ ២០១៧ ខាងមុខនេះ តារាស្រីដែលល្បីទទួលរងអំពើហិង្សាពីស្វាមីយ៉ាងធ្ងន់ធ្ងរ ស្វែង សុជាតា ប្រាប់ថា ខ្លួននឹងចូលសាងផ្នួសជាមួយស្វាមីសាជាថ្មី ដើម្បីប្រតិបត្តិធម៌ សន្សំបុណ្យកុសលទៅថ្ងៃខាងមុខ។
ការចេញទៅសាងផ្នួសនេះ អ្នកនាង ស្វែង សុជាតិ បានឲ្យដឹងថា ចេញទៅចំនួន៣ខែ ពោលគឺការចូលប្រតិបត្តិធម៌ គិតចាប់ថ្ងៃចូលព្រះវស្សា រហូតដល់ថ្ងៃចេញវស្សាតែម្ដង។" ខ្ញុំចេញទៅថ្ងៃ ៥ នេះហើយ យើងបួសនេះបែបធុតង្គ អត់មានកោរសក់អីទេ បូស៣ខែ ដូចព្រះសង្ឃចូលវស្សាហ្នឹង ពេលចេញវស្សា ខ្ញុំនឹងត្រឡប់មកវិញ" អ្នកនាង ស្វែង សុជាតិ ថ្លែង។
ទីតាំងនៃការការទៅ សាងផ្នួស របស់អ្នកនាង ស្វែង សុជាតា និង ស្វាមី គឺនៅទីអារាមមួយ លើភ្នំគូលែន ខេត្ត សៀមរាប។ មូលហេតុដែលនាំឲ្យអ្នកទាំងពីរសម្រេចចិត្តបែបនេះ ក៏ព្រោះតែ តាមការសន្យារបស់ខ្លួនកន្លងមក ជាមួយបារមីនៅលើភ្នំគូលែននោះ។
អ្នកនាង ថ្វែង សុជាតា ថ្លែងថា កាលដែលអ្នកនាងទៅព្យាបាលជំងឺសាច់ដុះក្នុងខួរក្បាលកន្លងមក អ្នកនាងបានសន្យាថា នឹងសាងផ្នួសចំនួន៣ខែ ឬ ១សប្ដាហ៍ ជារៀងរាល់ឆ្នាំ បើសិនជាជំងឺរបស់ខ្លួនជាសះស្បើយ អីចឹងហើយទើបនាងចាំបាច់ ត្រូវតែប្រតិបត្តិតាម។
តារាស្រីរូបនេះបានបន្តឲ្យដឹងថា កាលពីឆ្នាំកន្លងទៅ អ្នកនាងមិនបានប្រតិបត្តិតាមការសន្យា ហើយឆ្នាំឆុងទៀត ជាហេតុធ្វើឲ្យគ្រួសារមានភាពរកាំរកូស ប៉ុន្តែនៅឆ្នាំនេះ អ្នកនាងជឿជាក់ថា មិនមាន រឿងរ៉ាវទាំងនោះកើតឡើងទៀតឡើយ បន្ទាប់ពីអ្នកនាងបានប្រតិបត្តិឡើងវិញ។
តាមការលើកឡើងរបស់អ្នកនាង ស្វែង សុជាតា នាងបានសន្យាថា នឹងសាងផ្នួសជារៀងរាលឆ្នាំ លែងឲ្យមានការអាក់ខានទៀតហើយ ដោយ១ឆ្នាំយ៉ាងតិចក៏បាន១សប្ដាហ៍ដែរ។ ចំពោះការថតភាពយន្ត និងការសម្ដែងសិល្បៈផ្សេងៗទៀត អ្នកនាង បានប្រាប់ថា បានផ្អាកឈប់ទទួលទាំងអស់ ក្រោយពីសឹករួចបានអ្នកនាងទទួលវិញ៕