- 2017-06-21 09:17:06
- ជីវិតតារា
T-ara យំខ្លាំងដល់និយាយលែងចេញ បន្ទាប់ពី៥ឆ្នាំទទួលលទ្ធផល... (វីដេអូ)
- 2017-06-21 09:17:06
- ចំនួនមតិ 0 | ចំនួនចែករំលែក 0
T-ara យំខ្លាំងដល់និយាយលែងចេញ បន្ទាប់ពី៥ឆ្នាំទទួលលទ្ធផល... (វីដេអូ)
ចន្លោះមិនឃើញ
ក្រុមតារាស្រី T-Ara បានធ្វើឲ្យអ្នកគាំទ្រសប្បាយរីករាយ រំភើបឥតឧបមា បន្ទាប់ពីបានឈ្នះពានប្រចាំសប្ដាហ៍ ក្នុងកម្មវិធី "The Show” របស់ទូរទស្សន៍ SBS។ នេះជាជោគជ័យដ៏ធំអស្ចារ្យ ក្រោយរយៈពេល៥ឆ្នាំ ដែលក្រុមនេះហាក់មិនអាចប្រជែងឈ្នះក្រុមដទៃទៀតបាន ដោយសារកន្លងមកក្រុមទាំងមូលជួបប្រទះបញ្ហាជាច្រើន។
ប៉ុន្តែកាលពីថ្ងៃទី ២០ ខែមិថុនាម្សិលមិញ ក្រុមចម្រៀងនារីសមាជិក ៤នាក់មួយនេះ វិលមកកាន់តំណែងដើមវិញហើយ ដោយបានឈរលើតំណែងលេខ ១ លើក្រុម F.T. Island និងក្រុម ASTRO ដោយ T-ara ទទួលពិន្ទុរហូតទៅដល់ ៧៣៦៨ តាមរយៈបទ ''What's My Name'' ដែលទើបចេញកាលពីពេលថ្មីៗនេះ។
កាន់តែក្ដុកក្ដួលគឺ ពេលឮសូរសំឡេងប្រកាសថាក្រុមខ្លួនទទួលជ័យជម្នះ Jiyeon, Hyomin និង Qri ស្រាប់តែយំតែម្ដង ហើយពេលពិធីករឲ្យសមាជិកនិយាយពីអារម្មណ៍ក្នុងក្រោយទទួលបានជយលាភី ពួកគេមិនអាចនិយាយចេញ ដោយសារអួលដើមកខ្លាំងពេក។
ហេតុផលដែលកាន់តែរំជួលចិត្តនោះគឺ បទចម្រៀង ''What's My Name?'' ជាបទចុងក្រោយមុនពេលក្រុមនេះត្រូវរំសាយក្រុម។ ទោះត្រូវបែកក្រុមក៏ដោយ ក៏អ្នកគាំទ្រនៅតែ គាំទ្រ និងស្រលាញ់សមាជិកទាំងអស់ដដែល៕
ចុចអាន៖
