- 2017-06-25 04:42:38
- ជីវិតតារា
ចង់ដឹងថាកាលពី Wallace Huo សុំចៀវៃ រៀបការធ្វើតាមវិធីណាទេ? ដឹងហើយរំភើបហ្មង
- 2017-06-25 04:42:38
- ចំនួនមតិ 0 | ចំនួនចែករំលែក 0
ចង់ដឹងថាកាលពី Wallace Huo សុំចៀវៃ រៀបការធ្វើតាមវិធីណាទេ? ដឹងហើយរំភើបហ្មង
ចន្លោះមិនឃើញ
គូស្នេហ៍តារាតៃវ៉ាន់ Ruby Lin និង Wallace Huo បានក្លាយជាមិត្តភ័ក្ដិនឹងគ្នាអស់រយៈពេលជាយូរ មុនទំនាក់ទំនងស្នេហាបានចាប់ផ្ដើម។ ផ្លូវស្នេហ៍ពួកគេ មិនមែនរលូនដូចអ្នកគាំទ្រមួយចំនួនគិតទេ នេះបើតាមអ្វីដែល តួស្រី ចៀវៃរូបនេះបាននិយាយក្នុងកម្មវិធី “Date With Xiaoyan”។
តារាស្រីរូបនេះបានបង្ហើបថា នាងត្រូវបានស្វាមី Wallace Huo បដិសេធសំណើថតកុនឲ្យរឿងរបស់នាង ២ដង។ បើកចំហចំពោះទស្សនិកជនជាច្រើនដែលទស្សនាកម្មវិធីនោះ ចៀវៃបានប្រាប់ថា Wallace ជាមនុស្សម្នាក់ដែលមិនសូវរវីរវល់នឹងមនុស្សម្នាជុំវិញខ្លួនលោកទេ។
បើនិយាយពីទំនាក់ទំនងវិញ នាងក៏បានបន្តថា មិនដឹងជាចាប់ផ្ដើមតាំងពីពេលណាឲ្យប្រាកដទេ ដឹងត្រឹមថា បើមិនបានធ្វើការជាមួយគ្នាក្នុងរឿង "The Glamourous Imperial Concubine” ពួកគេក៏មិនបានប្រាស្រ័យទាក់ទងគ្នាហូរហែដែរ។
ឈានដល់ដំណើររឿងនៃការសុំរៀបការ តារាស្រីវ័យ ៤១ឆ្នាំរូបនេះក៏បានរៀបរាប់ដែរថា៖ "ថ្ងៃមួយពេលខ្ញុំទៅដល់ផ្ទះភ្លាម ស្រាប់តែធំក្លិនចម្លែក ហើយឃើញទៀននៅលើឥដ្ឋ។ ថ្ងៃនោះដែរគាត់ (Wallace) ក៏បានអញ្ជើញមនុស្សជាច្រើនមកផ្ទះខ្ញុំ ហើយក៏បានសុំខ្ញុំរៀបការតែម្ដង”។
ទោះបីស្វាមីរបស់តារាស្រីរូបនេះមានចរិតសោះកក្រោះបន្តិច ប៉ុន្តែលោកជាមនុស្សល្អ ហើយគូស្នេហ៍ទាំង ២បានរៀបការ និងរួមរស់ជាមួយគ្នាយ៉ាងមានក្ដីសុខ រហូតមកដល់សព្វថ្ងៃពួកគេមានកូនស្រីដ៏គួរឲ្យស្រលាញ់ម្នាក់ ដែលទើបសម្រាលកាលពីខែមករាឆ្នាំ ២០១៧កន្លងទៅថ្មីៗនេះ៕
ចុចអាន៖
