- 2017-07-03 04:44:47
- ព័ត៌មាន
ស្វែង សុជាតា ប្រកាសលក់ផ្ទះបន្ទាន់
- 2017-07-03 04:44:47
- ចំនួនមតិ 0 | ចំនួនចែករំលែក 0
ស្វែង សុជាតា ប្រកាសលក់ផ្ទះបន្ទាន់
ចន្លោះមិនឃើញ
ផ្ទះវិឡាកូនកាត់ក្នុងបូរី ប៉េងហ៊ួត តាមបណ្ដោយផ្លូវ ជាសុផារ៉ា ដែលតារាសម្ដែងជើងចាស់ ស្វែងសុជាតា បានទិញកាលជិត១ឆ្នាំមុននោះ ពេលនេះតារាស្រីរូបនេះបានប្រកាសលក់ជាបន្ទាន់ ក្រោមហេតុផលពិបាករកស៊ី និងខ្លាចគ្មានលទ្ធភាពបង់រំលស់ធនាគារបន្ត។
ផ្ទះនោះ អ្នកនាងស្វែង សុជាតា ដាក់លក់ក្នុងតម្លៃ១០ម៉ឺនដុល្លារ ដោយតម្លៃនេះអាចចរចាគ្នាបាន «អាចចុះខ្លះប្អូន២ ទៅ៣ពាន់ហ្នឹង ព្រោះបងដាក់លក់ប្រញាប់ បងលក់យកតែរួចខ្លួនវិញទេ» អ្នកនាងស្វែង សុជាតាថ្លែងមកកាន់ Sabay។ អ្នកនាងបានបន្តឲ្យដឹងថា ផ្ទះនោះកាលដែលទិញ គឺទិញតពីគេ ក្នុងតម្លៃជិត១០ម៉ឺនដុល្លារ ក្នុងនោះអ្នកនាងទិញបង់រំលស់ ក្នុង១ខែជិត១ពាន់ដុល្លារ ហើយមកទល់បច្ចុប្បន្ន ខ្លួនបានបង់ប្រហែល៣០%ហើយ។
អតីតតារាស្រីដែលធ្លាប់ទទួលរងអំពើហិង្សាពីសំណាក់ស្វាមីវ័យក្មេងរូបនេះបានលើកឡើងថា ផ្ទះដែលខ្លួនរស់នៅរាល់ថ្ងៃនេះ គឺសម្រាប់តែគ្រួសារអ្នកធូរធាទិញរស់នៅប៉ុណ្ណោះ សម្រាប់អ្នកនាងដែលមានមុខរបររកស៊ីលក់ថ្នាំខ្មែរនេះ គឺហាក់ដូចជាមិនសូវត្រូវទេ។ ជាងនេះទៅទៀតរៀងរាល់ខែ អ្នកនាងត្រូវបង់រំលស់១ខែ ជិត១ពាន់ដុល្លារផងនោះ ខ្លាចរត់មិនរួច ក៏សម្រេចលក់តែម្ដងទៅ។ ប្រសិនបើលក់ដាច់ អ្នកនាងស្វែង សុជាតា នឹងបង្វែរប្រាក់នោះទៅជួលផ្ទះគេនៅទីប្រជុំជនណាមួយ និងយកលុយខ្លះទៅទិញដីជាយក្រុង ដើម្បីធ្វើផ្ទះមួយសមរម្យរស់នៅជាមួយគ្រួសារ៕