- 2017-07-12 07:05:38
- ភាពយន្ត
រឿងតុក្កតាដ៏ពិសេស “Michael Jackson's Halloween” ត្រៀមបញ្ចាំងឆាប់ៗនេះហើយ
- 2017-07-12 07:05:38
- ចំនួនមតិ 0 | ចំនួនចែករំលែក 0
រឿងតុក្កតាដ៏ពិសេស “Michael Jackson's Halloween” ត្រៀមបញ្ចាំងឆាប់ៗនេះហើយ
ចន្លោះមិនឃើញ
ថ្មីៗនេះ ទូរទស្សន៍អាមេរិកដ៏ល្បី CBS កំពុងមមាញឹកលើគម្រោងនៃការផលិតរឿងថ្មីបែបគំនូរជីវចល របស់អតីតស្ដេចចម្រៀងប៉ុប Michael Jackson។
កាលពីថ្ងៃអង្គារម្សិលមិញ ខាងទូរទស្សន៍ CBS បានប្រកាសថា ខ្លួន និងក្រុមការងារផលិតរបស់ក្រុមហ៊ុន Michael Jackson កំពុងរៀបចំផលិតរឿងតុក្កតាដ៏ពិសេសមួយមានចំណងជើងថា “Michael Jackson's Halloween” ដែលនឹងបញ្ចាំងនៅថ្ងៃបុណ្យ Halloween ខាងមុខ។ នេះបើតាមព័ត៌មានពីវិបសាយ Billboard ចុះផ្សាយ។
ភាពយន្តដែលមានរយៈពេលជាង ១ម៉ោងមួយនេះក៏មានបញ្ចូលចម្រៀងរបស់ស្ដេចចម្រៀងប៉ុបអាមេរិក ធ្វើជាបទភ្លេងក្នុងរឿងដែរ ហើយនឹងចាក់បញ្ចាំងលើកញ្ចក់ទូរទស្សន៍នៅពេលឆាប់ៗខាងមុខនេះ។
គួរបញ្ជាក់ផងដែរថា ភាពយន្តគំនូរជីវចលនេះ ជាការបង្កើត និងផលិតដោយផលិតកម្ម "Optimum Productions” សហការជាមួយទូរទស្សន៍អាមេរិក CBS ដោយមានការចូលរួមបញ្ចូលសំឡេងដោយ តារាល្បីៗជាច្រើនដូចជា៖ តារាសម្ដែងអាមេរិក Christine Baranski, Kiersey Clemons, Alan Cumming, George Eads, Brad Garrett, Lucy Liu, Jim Parsons និង Lucas Till ជាដើម។
អ្វីដែលអស្ចារ្យជាងនេះទៅទៀតនោះគឺ “Michael Jackson's Halloween” នឹងបង្ហាញឈុតឆាកបែបភ័យរន្ធត់ព្រឺព្រួច នៃដំណើរស្វែងរករឿងអាថ៌កំបាំងជាច្រើន៕
ចុចអាន៖