ជាឡាយ និងសុវណ្ណាឡាង តាមគ្នាស្អិតដូចស្ករតាំងម៉ែ បើមិនហៅថាគូស្នេហ៍ហៅអ្វីទៅ?

2017-09-08 03:37:14
ជីវិតតារា

2017-09-08 03:37:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាកន្លងមក លឹម ឡាយ និង គៀត សុវណ្ណាឡាង ធ្លាប់បានបដិសេធថាពួកគេទាំងពីរមិនមែនជាគូស្នេហ៍ជាមួយគ្នាក្ដីតែទង្វើ និងសកម្មភាពតួឯកប្រុសស្រីក្នុងរឿង "អាពាហ៍ពិពាហ៍ចម្លែក"ផ្ទុយស្រលះពីការបដិសេធខាងលើទាំងស្រុង។

រូបភាពចូលរួមសកម្មភាពជប់លៀងតូចធំ

ព្រោះស្ទើរតែគ្រប់កម្មវិធី និងគ្រប់ទីកន្លែងដែល គៀត សុវណ្ណាឡាង និង លឹម ជាឡាយ តែងតែបង្ហាញវត្តមានជាមួយគ្នាមិនថា ទៅមើលកុន ចូលរួមកម្មវិធីជប់លៀងតូចធំ ដើរផ្សារទំនើប សកម្មភាពសប្បុរសធម៌នានា។ ទង្វើទាំងអស់នេះហើយអាចបញ្ជាក់បានថា អ្នកទាំងពីរកំពុងតែលួចបង្កាត់ភ្លើងស្នេហ៍ជាមួយគ្នា តែមិនហ៊ានទទួលស្គាល់ការពិត។ នេះបើតាមប្រភពស្និទ្ធស្នាលសាមីខ្លួនទាំងពីរបានប្រាប់ Sabay។

ប្រភពស្និទ្ធស្នាលដដែលបន្តទៀតថា អ្វីដែលពិសេសជាងនេះទៅទៀតនោះនៅពេល គៀត សុវណ្ណាឡាង ចេញទៅថតខ្សែភាពយន្ត មិនថានៅរាជធានីភ្នំពេញ ឬនៅតាមខេត្ត លឹម ជាឡាយ តែងតែទៅជួយការពារនាង ជានិច្ចព្រមទាំងទិញនំចំណីបញ្ចុកគ្នាថែមទៀតផងពេលសម្រាកម៉ោងបាយជុំគ្នា រហូតធ្វើឲ្យអ្នកដឹកនាំរឿងព្រមទាំងអ្នកថតលួចច្រណែនគូស្នេហ៍កំលោះក្រមុំមួយគូនេះ។

រូបភាពនៅកន្លែងថតខ្សែភាពយន្ត

“និយាយទៅពួកគាត់ទាំងពីរហ្នឹងស្រឡាញ់គ្នាហើយបង គ្រាន់តែថាពួកគាត់ទាំងពីរមិនទាន់ហ៊ានទទួលស្គាល់ការពិត ។ ថ្ងៃណាមួយការពិតទាំងនោះខ្ញុំជឿថា នឹងត្រូវលាតត្រដាងហើយបង ពេលហ្នឹងអ្នកគាំទ្រ បងឡាយ និង បងឡាង ភ្ញាក់ផ្អើលជាក់ជាមិនខាន់"។ប្រភពខាងលើបញ្ជាក់ដូច្នេះ។

ជុំវិញព័ត៌មានស្នេហាខាងលើនេះដែរ លឹម ជាឡាយ និង គៀត សុវណ្ណាឡាង មិនអាចសុំការបកស្រាយបានទេ ទូរស័ព្ទហៅចូលតែមិនមានអ្នកទទួល៕