_medium.jpg)
- 2017-09-19 01:48:00
- ជីវិតតារា
ទីបំផុតក្ដីស្រមៃជាង១ទសវត្សរ៍ សាយ សៀរ៉ា បានសម្រេចហើយ
- 2017-09-19 01:48:00
- ចំនួនមតិ 0 | ចំនួនចែករំលែក 0
ទីបំផុតក្ដីស្រមៃជាង១ទសវត្សរ៍ សាយ សៀរ៉ា បានសម្រេចហើយ
ចន្លោះមិនឃើញ
នៅឆ្នាំ២០១៧នេះកំលោះសង្ហា សាយ សៀរ៉ា បានសម្រេចក្ដីស្រមៃរបស់ខ្លួន ក្រោយពីទន្ទឹងរង់ចាំអស់រយៈពេលជាង១ទសវត្សរ៍កន្លងមកនេះ។
ទាក់ទងនឹងក្ដីស្រមៃជាង១០ឆ្នាំមកនេះ សាយ សៀរ៉ា បានប្រាប់ Sabay ថា បន្ទាប់ពីមានឱកាសបានចូលប្រលូកក្នុងវិថីសិល្បៈភ្លាមខ្លួនមានបំណងចង់សម្ដែងជាមួយអ្នកនាង ខាត់ សុឃីម តែគ្មានឱកាសសោះ ក្ដីស្រមៃពីមួយឆ្នាំទៅមួយឆ្នាំកាន់តែឃ្លាតឆ្ងាយទៅៗ រហូតពេលខ្លះធ្វើឲ្យរូបលោកចង់បោះបង់ក្ដីស្រមៃមួយនេះចោល។
ទោះបីជាការទន្ទឹងរង់ចាំស្ទើរតែអស់សង្ឃឹមទៅហើយក្ដីក៏ សាយ សៀរ៉ា មិនបានបោះបង់ក្ដីស្រមៃមួយនេះចោលដែរ ទីបំផុតនៅឆ្នាំ២០១៧ នេះលោកបានសម្រេចក្ដីស្រមៃរបស់ខ្លួន ដោយចេញមុខក្នុងបទចម្រៀងថ្មីជាមួយអ្នកនាង ខាត់ សុឃីម នៅផលិតកម្មហង្សមាស។
លោកថា៖" កន្លងមកខ្ញុំធ្លាប់ថតលេងជាមួយគាត់ដែរ តែលក្ខណៈជាក្រុម មិនបានចាប់ដៃគូជាមួយគ្នាទេ។ តែពេលនេះខ្ញុំបានចាប់ដៃគូថតបទចម្រៀងជាមួយគាត់ ហើយខ្លួនខ្ញុំផ្ទាល់ក៏សប្បាយរីករាយយ៉ាងខ្លាំង។ បើនិយាយពីក្ដីស្រមៃចង់សម្ដែងជាមួយគាត់ហ្នឹង១២ឆ្នាំមកហើយ"។
បទចម្រៀងដែលលោក សាយ សៀរ៉ា មានឱកាសសម្ដែងជាមួយអ្នកនាង ខាត់ សុឃីម មានចំណងជើងថា "ភ្លៀងជីវិត" ច្រៀងដោយ ខាត់ សុឃីម ផ្ទាល់តែម្ដង៕
