- 2017-12-15 23:30:00
- ជីវិតតារា
ហាន់ ជីអ៊ុន រវល់ការងារក្រៅ ឯប្ដីនៅផ្ទះថតធ្វើមុខឡើងជូរ ព្រោះប្រពន្ធមិននៅជិត
- 2017-12-15 23:30:00
- ចំនួនមតិ 0 | ចំនួនចែករំលែក 0
ហាន់ ជីអ៊ុន រវល់ការងារក្រៅ ឯប្ដីនៅផ្ទះថតធ្វើមុខឡើងជូរ ព្រោះប្រពន្ធមិននៅជិត
ចន្លោះមិនឃើញ
បន្ទាប់ពី Song Joong Ki ដែលជាស្វាមីបញ្ចប់ការងាររួចរាល់កាលពីដើមខែធ្នូ ក្នុងកម្មវិធីប្រគល់ពានរង្វាន់ធំ MAMA រួចមកពេលនេះដល់ពេលតារាសម្ដែង Song Hye Kyo មានការងារម្ដង។
តារាសម្ដែងដែលទើបរៀបការថ្មីថ្មោង Song Hye Kyo (ហាន់ ជីអ៊ុន) បានធ្វើដំណើរទៅកាន់ទីក្រុងប៉េកាំង ដើម្បីចូលរួមកម្មវិធីសម្ពោធ "Sino-Korean Economic and Trade Cooperation”។ នេះជាកម្មវិធីលើកដំបូងហើយ ដែលតារាស្រីរូបនេះបង្ហាញមុខជាផ្លូវការ ក្រោយរៀបការជាមួយស្វាមី Song Joong Ki។
ទោះបីមានគ្រួសារផ្ទាល់ខ្លួនក៏ពិតមែន ប៉ុន្តែសម្រស់របស់តារាកូរ៉េរូបនេះនៅតែទទួលបានការចាប់អារម្មណ៍ពីសំណាក់មហាជនដដែល។ ជាក់ស្ដែងក្រោយរៀបការហើយ សង្កេតឃើញថា Song Joong Ki ដែលចាស្វាមីហាក់ដូចជាឡើងគីឡូជាងមុន ប៉ុន្តែនៅពេលដែលឃើញវត្តមានរបស់ Song Hye Kyo ទើបដឹងច្បាស់ថា មិនមែនតែប្ដីទេ សូម្បីនាងក៏ធាត់ជាងមុនដែរ។ ចំណែកមុខវិញ គឺមូលធំជាងមុនទៅទៀត។
ដោយឡែក ស្របពេលដែល ប្រពន្ធជាប់បំពេញកិច្ចការ តួប្រុសក្នុងរឿង "Descendants Of The Sun” ក៏បានជួបជុំមិត្តភ័ក្ដិ ២-៣នាក់ ជជែកកម្សាន្តពីនេះពីនោះ។ ប៉ុន្តែបើតាមទឹកមុខដែលបានបង្ហាញតាមរូបថត ពិតជាបញ្ជាក់យ៉ាងច្បាស់ថា លោកមិនសូវសប្បាយចិត្តប៉ុន្មានទេ ខណៈប្រពន្ធមិននៅជិត ក្នុងឱកាសនេះ៕
ចុចអាន៖
