កំពូលតារាតៃវ៉ាន់ Jay Chou ត្រូវគេព្រលះថាច្រៀងមិនកើត
ក្នុងពេលដណ្ដើមកូនក្រុមគ្នាក្នុងកម្មវិធីប្រឡងចម្រៀង “Sing! China” តារាចម្រៀងល្បីឈ្មោះតៃវ៉ាន់ Jay Chou ត្រូវគេវាយប្រហារយ៉ាងខ្លាំងដើម្បីដណ្ដើមបានបេក្ខជនខ្លាំងមកក្រុមរបស់ខ្លួន។
កាលពីថ្ងៃទី ១៥ខែកក្កដាមុននេះ កម្មវិធីប្រឡងចម្រៀង Sing ! China ដែលមានលក្ខណៈដូចនឹងកម្មវិធី "The Voice” ត្រូវបានចាក់ផ្សាយភាគទី១នៅលើប៉ុស្តិ៍ Zhenjiang។ កម្មវិធីឆ្នាំនេះប្រមូលផ្ដុំទៅដោយគ្រូបង្វឹកល្បីឈ្មោះចំនួន៤រូបរួមមាន តារាចម្រៀង Jay Chou, Na Ying, Wang Feng និងHarlem Yu។ Coach នីមួយៗបានខំប្រឹងប្រើវោហារយ៉ាងខ្លាំងដើម្បីកុំឲ្យធ្លាក់បេក្ខជនខ្លាំងៗចូលក្នុងក្រុមរបស់គ្រូបង្វឹកដទៃ។
នៅពេលដល់វេនខ្លួនដណ្ដើមកូនក្រុម កំពូលតារាចម្រៀង Jay Chou បានអួតថាលោកជាតារាចម្រៀងចិនដែលមានគេស្គាល់ទូទាំងពិភពលោក។ "មនុស្សជាច្រើនស្ដាប់បទចម្រៀងរបស់ខ្ញុំដើម្បីហ្វឹកហាត់សំឡេង" Jay អួត។ នៅពេលឮសំដីទាំងនេះ តារាចម្រៀង Harlem Yu បានពន្លះម្ចាស់បទ "Far Away” ថា៖ "ប៉ុន្តែលោកច្រៀងមិនទាំងច្បាស់ផងហ្នឹង។ កូនៗរបស់ខ្ញុំមិនទាំងយល់ថាលោកច្រៀងអីផងក្នុងបទ "Tornado””៕
ចុចអាន៖ទិដ្ឋភាពប្លែកអស្ចារ្យពីមង្គលការតួរឿង “ទេពឥន្ទ្រីបក្សីស្នេហ៍” ម្សិលមិញ
ប្រែសម្រួល៖ សុវណ្ណផៃ
ប្រភព៖jaynestars
