ទស្សនាបទចម្រៀងថ្មីរបស់ Se7en ទើបចេញយប់មិញ
កាលពីយប់មិញនេះតារាចម្រៀងទោល Se7en បានបញ្ចេញវីដេអូនៃបទចម្រៀងថ្មី និពន្ធដោយខ្លួនឯង ដែលមានចំណងជើងថា "I'm Good” ដោយច្រៀងរៀបរាប់អំពីការដឹងគុណចំពោះអ្នកដែលបានស្ដាប់ និងគាំទ្រដល់ដល់រូបគេ។
បន្ទាប់ពីវីដេអូចម្រៀងនេះចេញផ្សាយបានមិនយូរប៉ុន្មានអតីតតារាចម្រៀងផលិតកម្ម YG រូបនេះបានបង្ហោះសារលើគណនីបណ្ដាញសង្គមរបស់ខ្លួនថា៖ "នេះជាចម្រៀងមួយបទដែលខ្ញុំសរសេរឡើងដោយគិតពីអ្នករាល់គ្នា ដែលបានផ្ដល់កម្លាំងចិត្ត និង ក្ដីសង្ឃឹមដល់រូបខ្ញុំ ពេលដែលខ្ញុំចង់បោះបង់ចោលអ្វីគ្រប់យ៉ាង។ ខ្ញុំអរគុណដោយស្មោះ ដល់អ្នកដែលតែងតែនៅក្បែរខ្ញុំ, គាំទ្រខ្ញុំ និង ជឿជាក់លើខ្ញុំ ដោយធ្វើឲ្យខ្ញុំអាចចាប់ផ្ដើមជាថ្មីម្ដងទៀត"។
"I'm Good” ជាបទចម្រៀងដំបូងរបស់ Se7en ក្នុងផលិតកម្មថ្មីឈ្មោះ ELEVEN9 ដែល Se7en ផ្ទាល់ជាអ្នកបង្កើតឡើង៕
ចុចអាន៖ Se7en ត្រលប់មកវិញជាមួយបទថ្មី ក្រោយបាត់មុខ៣ឆ្នាំ
ប្រែសម្រួល៖ ហៃ សុខហេង
ប្រភព៖ Soompi