ក្រុមហ៊ុននៅពីក្រោយកម្មវិធី “American Idol” ប្រកាសក្ស័យធន
ក្រុមហ៊ុនកម្សាន្តរបស់អាមេរិក Core Media Group ដែលជាអ្នកផលិតកម្មវិធីប្រឡងចម្រៀង “American Idol” បានប្រកាសក្ស័យធនកាលពីម្សិលមិញ ដោយសារបំណុលជុំទិស។
ក្រុមហ៊ុនដែលមានមូលដ្ឋាននៅទីក្រុងញីវយ៉កបានដាក់ពាក្យសុំការការពារសម្រាប់ការក្ស័យធនជំពូកទី១១ បន្ទាប់ពីមានបំណុលជាប់ខ្លួនដល់ទៅ ៣៩៨លានដុល្លារ ដោយម្ចាស់បំណុលមានដូចជា លោក Simon Fuller (អ្នកផលិតកម្មវិធី American Idol ) , Marc Graboff អតីតនាយកប្រតិបត្តិ Core Media , ក្រុមហ៊ុន Sony Music Entertainment និង CBS ជាដើម។
Simon Fullerបានទាមទារឲ្យ Core Media Group សងលុយខ្លួនភ្លាមៗចំនួនជិត៣,៤លានដុល្លារ ដែលជាកត្តាមួយធ្វើឲ្យក្រុមហ៊ុនកម្សាន្តនេះប្រកាសក្ស័យធនតែម្ដង។ នេះបើតាមការឲ្យដឹងពី THR ។ តាមសារ e-mail អ្នកតំណាង Core Mediaបានផ្ញើឲ្យគេហទំព័រ Fortune បានប្រាប់មូលហេតុថា កំណែទម្រង់តាមច្បាប់ជំពូកទី១១នេះនឹងជាចំណុចល្អអាចជួយក្រុមហ៊ុនទៅអនាគតដើម្បីប្រឹងប្រែងងើបឈររកប្រាក់ដើម្បីសងបំណុល៕
ចុចអាន៖កម្មវិធីទូរទស្សន៍ពិភពលោកដ៏ពេញនិយមទាំង១០
ប្រែសម្រួល៖ ហេង សុធារិទ្ធិ
ប្រភព៖ fortune