ភាពយន្តកូរ៉េចំនួន៥គ្រោងបញ្ចាំងឲ្យទស្សនាដោយឥតគិតថ្លៃចុងខែនេះ
ចាប់ពីថ្ងៃទី២៧ដល់ថ្ងៃទី ២៩ ខែ វិច្ឆិកា ឆ្នាំ២០១៥ នៅរោងភាពយន្ត Legend Cinema ទួលគោក និងមានការចាក់បញ្ចាំងខ្សែភាពយន្តកូរ៉េចំនួន៥រឿង ដើម្បីអបអរមហោស្រពភាពយន្តកូរ៉េនៅកម្ពុជាលើកទី៩ ដោយការចាក់បញ្ចាំងនេះទស្សនិកជនអាចចូលទស្សនាដោយឥតគិតថ្លៃ។
តាមសេចក្ដីជូនដំណឹងរបស់ស្ថានទូតកូរ៉េ ប្រចាំនៅកម្ពុជាបានឲ្យដឹងថា មហោស្រពភាពយន្តកូរ៉េ ធ្វើឡើងដើម្បីផ្សព្វផ្សាយពីឧត្ដមភាពខ្សែភាពយន្តកូរ៉េអោយកាន់តែទូលាយ និងរឹតចំណងមិត្តភាពប្រទេសទាំងពីរតាមរយៈខ្សែភាពយន្តអោយកាន់តែខ្លាំងបន្ថែមទៀត។
សេចក្ដីជូនដំណឹងដដែលបានឲ្យដឹងទៀតថា ភាពយន្តទាង៥រឿង ដែលគ្រោងយកមកចាក់ផ្សាយនោះ គឺជាស្នាដៃអ្នកដឹកនាំរឿងជនជាតិកូរ៉េម្នាក់ឈ្មោះ អ៊ីជូនអ៊ីក។ជាមួយគ្នានោះ អ្នកនិពន្ធរូបនេះ ក៏គ្រោងបង្ហាញស្នាដៃជាច្រើនទៀតផងដែរនៅក្នុងថ្ងៃចាក់បញ្ចាំងនោះ។
ខាងក្រោម គឺតារាងចំណងជើងខ្សែភាពយន្ត និង ម៉ោងដែលត្រូវចាក់បញ្ចាំង:
Hall 1
Hall 2
Subtitle
11.27(Fri)
19:00
(Opening Ceremony)
The Throne
Khmer & English
11.28(Sat)
13:00
King and The Clown
The Happy Life
Khmer
16:00
The Throne
Radio Star
Khmer
19:00
Hope
King and The Clown
Khmer
11.29(Sun)
10:00
The Happy Life
Radio Star
Khmer
13:00
King and The Clown
Hope
Khmer
16:00
The Throne
The Happy Life
Khmer
នេះជាលើកទី៩ហើយដែលប្រទេសកូរ៉េ បានធ្វើមហោស្រពភាពយន្តកូរ៉េនេះឡើងនៅកម្ពុជា។ ស្ថានទូតកូរ៉េ រំពឹងថា មហោស្រពមួយនេះ នឹងមានទស្សនិកជនចូលទស្សនាច្រើន ។
តាមរយៈមហោស្រពភាពយន្តនេះ នឹងចូលរួមចំណែកក្នុងការពង្រឹងកិច្ចសហប្រតិបត្តិការឧស្សាហកម្មភាពយន្ត និងពង្រីកទំនាក់ទំនងវិស័យភាពយន្តរវាងប្រទេសទាំងពីរ ព្រមទាំងជួយផ្សព្វផ្សាយខ្សែភាពយន្តកូរ៉េអោយប្រជាជនកម្ពុជាស្គាល់កាន់តែច្រើនថែមទៀត៕
អត្ថបទ៖ ខុត សីហា