- 2019-05-08 11:20:00
- ភាពយន្ត
អ្នកដឹកនាំរឿងល្បីៗតាមប៉ុស្ត៍ទូរទស្សន៍ គ្រោងបញ្ចេញរឿងថ្មីចំណាយរាប់ម៉ឺនដុល្លារ មានគ្រប់រសជាតិធានាមិនខកចិត្ត
- 2019-05-08 11:20:00
- ចំនួនមតិ 0 | ចំនួនចែករំលែក 0
អ្នកដឹកនាំរឿងល្បីៗតាមប៉ុស្ត៍ទូរទស្សន៍ គ្រោងបញ្ចេញរឿងថ្មីចំណាយរាប់ម៉ឺនដុល្លារ មានគ្រប់រសជាតិធានាមិនខកចិត្ត
ចន្លោះមិនឃើញ
ស្នាដៃថ្មី ដែលប្រមូលផ្តុំទៅដោយគ្រប់រសជាតិមានទាំងរឿងកម្សត់ កំប្លែង មនោសញ្ចេតនា របស់លោក អ៉ឹង ឌុច សិត្ថាវីរៈ ត្រៀមបញ្ចាំងឆាប់ៗនេះហើយនៅថ្ងៃ ០៦ មិថុនា លើរោងកុនទាំងអស់នៅក្នុងព្រះរាជាណាចក្រកម្ពុជា។
លោក បានឱ្យដឹងថា ស្នាដៃថ្មីនេះចាយពេលផលិតដល់ទៅ ២ឆ្នាំឯណោះ។ ម្ចាស់ផលិតកម្ម និងអ្នកដឹកនាំរូបនេះបានបង្ហើបឱ្យដឹងទៀតថា ទោះបីការចំណាយអស់ច្រើនបែបនេះក្តី ហើយលោកមិនសង្ឃឹមថានឹងបានចំណូលមកទប់វិញគ្រប់គ្រាន់ក៏ពិតមែន ប៉ុន្តែឆន្ទៈនៃការផលិតរឿងដើម្បីសិល្បៈ លោកត្រូវតែលះបង់។
“ធម្មតាធ្វើរឿងអីក៏ដោយយើងតែងទាមទារចង់បានការគាំទ្រពីទស្សនិកជនមកវិញ ប៉ុន្តែសួរថាបើរឿងយើងគ្មានគុណភាព តើឱ្យពួកគាត់គាំទ្រយើងយ៉ាងដូចម្តេច? អ៊ីចឹងក្នុងនាមជាផលិតករ ក៏ដូចជាអ្នកដឹកនាំម្នាក់ ខ្ញុំបានព្យាយាមយ៉ាងខ្លាំង និងធ្វើយ៉ាងណាដើម្បីកុនខ្មែរ ហើយក៏សង្ឃឹមថារឿងមួយនេះនឹងទទួលបានការគាំទ្រច្រើន"។ ផលិតករខាងលើបន្ថែម។
ពិសេស លោកបានបញ្ជាក់បន្ថែមថា សាច់រឿងបែបកំប្លែងថ្មីនេះ គឺជាស្នាដៃសម្រិតសម្រាំងមួយដែលអ្នកនិពន្ធ សរសេរឡើងដើម្បីបំពេញចំណង់ចំណូលចិត្តរបស់បងប្អូនខ្មែរដែលនិយមមើលរឿងបែបកំប្លែងសើចសប្បាយៗ ដើម្បីរំសាយភាពតានតឹង។
កុំឱ្យខាតពេលឥឡូវមកតាមដាន Trailer "សើចកប់ ឬ Top Laugh” ខាងក្រោម៖
ក្រៅពីរឿង "សើចកប់ ឬ Top Laugh” នេះ លោកធ្លាប់មានស្នាដៃរឿងភាគ និងរឿងដុំល្បីៗជាច្រើនដែលចាក់បញ្ចាំងនៅតាមស្ថានីយទូរទស្សន៍ធំៗនានា ដូចជារឿង ជីវិតនាងរក្សា ភក្តីស្នេហ៍ទ្វេភព សមុទ្រទឹកភ្នែក កញ្ញាអំពិលផ្អែម កំលោះក្តាមប្រៃកញ្ញាស្ពៃជ្រក់ ជាដើម៕