- 2018-02-02 23:38:00
- ព័ត៌មាន
គួរឲ្យសរសើរ! Rihanna ប្រឹងប្រមូលប្រាក់ឲ្យបាន ៣,១ប៊ីលានដុល្លារដើម្បីក្មេងៗ
- 2018-02-02 23:38:00
- ចំនួនមតិ 0 | ចំនួនចែករំលែក 0
គួរឲ្យសរសើរ! Rihanna ប្រឹងប្រមូលប្រាក់ឲ្យបាន ៣,១ប៊ីលានដុល្លារដើម្បីក្មេងៗ
ចន្លោះមិនឃើញ
ក្នុងរយៈពេលមិនដល់មួយអាទិត្យផង ក្រោយពីចប់ពិធីជប់លៀង និងច្រៀងបទចម្រៀងសប្បាយៗជាមួយ DJ Khaled នៅក្នុងកម្មវិធីប្រគល់ពាន Grammys កំពូលតារាចម្រៀង Rihanna មកធ្វើការជាមួយប្រធានាធិបតីបារាំង Emmauel Macron ក្នុងកម្មវិធីសប្បុរសធម៌មួយ ទាក់ទងនឹងការសិក្សារបស់ក្មេងៗនៅទ្វីបអាហ្វ្រិក។
តារាចម្រៀងរូបនេះបាន បង្ហាញខ្លួននៅប្រទេស សេណេហ្គាល់ កាលពីថ្ងៃព្រហស្បតិ៍ដើម្បីចូលរួមសន្និសីទកម្មវិធីដៃគូសម្រាប់ការអប់រំទូទាំងសកលលោក "Global Partership for Education”។ ដោយបានរួមដៃគ្នាជាមួយ គម្រោងរបស់នាងផ្ទាល់ឈ្មោះ Clara Lionel Foundation និងអង្គការ "Global Citizen" តារារូបនេះនឹងបញ្ចុះបញ្ចូលអ្នកដឹកនាំពិភពលោកធំៗ ដូចជាលោក Macron និង អ្នកស្រី Therasa May នាយករដ្ឋមន្ដ្រីអង់គ្លេស ដើម្បីប្រមូលទឹកប្រាក់ឲ្យបាន ៣,១ប៊ីលានដុល្លារ។
"Rihanna បានធ្វើការជាមួយយើងអស់រយៈពេល២ឆ្នាំហើយ" នាយកប្រតិបត្តិអង្គការ 'Global Citizen' លោក Hugh Evans បានថ្លែង "នាងបានខិតខំប្រឹងប្រែងដើម្បីឲ្យសិស្សានុសិស្សជាច្រើនមានលទ្ធភាពទៅសាលានិងទទួលបានការអប់រំ៕"
អានអត្ថបទ៖
