- 2018-02-26 05:29:37
- ព័ត៌មាន
អ្នកគាំទ្ររត់ប្រសាចតាម Taeyang តែស្រឡាំងកាំងគ្រប់គ្នា ពេលលោកធ្វើរឿងនេះដាក់
- 2018-02-26 05:29:37
- ចំនួនមតិ 0 | ចំនួនចែករំលែក 0
អ្នកគាំទ្ររត់ប្រសាចតាម Taeyang តែស្រឡាំងកាំងគ្រប់គ្នា ពេលលោកធ្វើរឿងនេះដាក់
ចន្លោះមិនឃើញ
ក្រោយព័ត៌មានរៀបការល្បីខ្ទរខ្ទារពេញទឹកពេញដីមក ពេលនេះតារាចម្រៀង Taeyang បានបង្ហាញខ្លួនជាថ្មីដោយបានធ្វើឲ្យអ្នកគាំទ្រមានការស្រឡាំងកាំងគ្រប់គ្នា ព្រោះទង្វើល្អមួយ។
កាលពីថ្ងៃទី ២៤ ខែកុម្ភៈឆ្នាំ ២០១៨ Taeyang តារា K-Pop ដែលទើបរៀបការថ្មីថ្មោងរូបនេះត្រូវគេប្រទះឃើញនៅព្រលានយន្តហោះ Gimpo Airport។ សព្វដងឲ្យតែឃើញតារាប្រុសរូបនេះនៅទីណា អ្នកគាំទ្រតែងរត់ទៅតាមផ្ដិតយករូបភាពរបស់លោកគ្រប់គ្នា ហើយក៏ក្នុងបំណងអាចឃើញមុខ Taeyang ជិតដែរ។ មិនខុសពីមុនទេ លើកនេះ ពេល Taeyang មកដល់ព្រលានយន្តហោះ អ្នកគាំទ្របានរត់តាមប្រកិតតាមថតលោក ហើយអ្វីដែលគ្រប់គ្នាកាន់តែរំភើបនោះ គឺ Taeyang បានឲ្យអំណោយពិសេសដល់អ្នកគាំទ្រទាំងនោះ។
ពេលនោះ Taeyang បានបើកទ្វារកញ្ចក់ឡាន ហើយហុចអាហារស្រន់ដ៏ពេញនិយមក្នុងប្រទេសកូរ៉េគឺ គីមបាប់ ឲ្យអ្នកគាំទ្រម្នាក់មួយៗ។ បើតាមអ្វីដែលបានបញ្ជាក់ក្នុងវិបសាយ Kstarlive បាន ឲ្យដឹងថា គីមបាប់នោះ ទិញពីហាងល្បីឈ្មោះមួយកន្លែងក្នុងកោះជេជូ និងត្រូវបានឲ្យអ្នកកាន់អ្នកគាំទ្ររបស់លោកទាំងអស់ដែលខំរង់ចាំទាំងមិនទាន់មានអ្វីក្នុងពោះ។
នេះជាកាយវិការដ៏គួរឲ្យគោរពស្រឡាញ់ពីតារា K-Pop ដ៏ល្បីម្នាក់ ដែលតែងយកចិត្តទុកដាក់ចំពោះអ្នកគាំទ្រជាទីស្រឡាញ់របស់ខ្លួន ហើយទង្វើនេះមិនមែន Taeyang ទើបតែប្រកាន់នាពេលថ្មីៗនេះទេ ពោលគឺតាំងពីដើមមកម្ល៉េះ។ ម្យ៉ាងតាមរយៈកាយវិការនេះ អាចធ្វើឲ្យគ្រប់គ្នាដឹងកាន់តែច្បាស់ថា ហេតុអ្វីបានជា Taeyang មានអ្នកស្រឡាញ់គាំទ្រខ្លាំងបែបនេះ៕