- 2018-02-26 07:30:00
- ព័ត៌មាន
សមត្ថភាពពិតៗកូនប្រុសស្រីអ្នកសិល្បៈ២រូបទទួលបានសញ្ញាប័ត្រពីប្រទេសសិង្ហបុរី
- 2018-02-26 07:30:00
- ចំនួនមតិ 0 | ចំនួនចែករំលែក 0
សមត្ថភាពពិតៗកូនប្រុសស្រីអ្នកសិល្បៈ២រូបទទួលបានសញ្ញាប័ត្រពីប្រទេសសិង្ហបុរី
ចន្លោះមិនឃើញ
កាលពីម្សិលមិញនេះសាលាស្រណោះតន្ត្រីបានរៀបចំកម្មវិធីចែកសញ្ញាប័ត្រ ដល់សិស្សស្រីប្រុសរបស់ខ្លួនចំនួន ៣៧ នាក់ ក្នុងនោះក៏មានកូនប្រុសស្រីអ្នកនាង ម៉េង កែវពេជ្ជតា និង យុគ ចិន្តា ផងដែរ។
លោក សូ ស្រណោះ នាយកសាលាស្រណោះតន្ត្រីបានឲ្យដឹងថា អំឡុងទៅប្រកួតផ្នែកចម្រៀង ព្យាណូ និង វីយោឡុង នៅប្រទេសសិង្ហបុរីកាលពីខែ កក្កដា ឆ្នាំ ២០១៧ កន្លងទៅកូនសិស្សចេញពីសាលាលោក បានទទួលពានមាស ប្រាក់ និង សំរឹទ្ធ តែប៉ុណ្ណោះមិនទាន់បានទទួល ប័ណ្ណសរសើរឬ សញ្ញាប័ត្រណាមួយនៅឡើយទេ។ ហេតុដូច្នេះហើយទើបម្សិលមិញមិញនេះ លោក រៀបចំកម្មវិធីចែកសញ្ញាប័ត្រដល់សិស្សទាំង ៣៧ រូប ដោយមានការប្រគល់ជូនពីសំណាក់អ្នករៀបចំកម្មវិធីអន្តរជាតិមកពីប្រទេសសិង្ហបុរី។
នាយកសាលាស្រណោះតន្ត្រីរូបនេះបន្ថែមថា កូនប្រុសស្រីអ្នកនាង ម៉េង កែវពេជ្ជតា ទទួលបានសញ្ញាប័ត្រផ្នែកលេងព្យាណូ និង វីយោឡុង។ ចំណែកឯកូនស្រីអ្នកនាង យុគ ចិន្តា វិញបានទទួលសញ្ញាប័ត្រផ្នែកច្រៀង។
លោកថា៖" កាលទៅប្រកួតនៅសិង្ហបុរីហ្នឹង កូនបងស្រី យុគ ចិន្ដា គាត់ទទួលបានពានមាសផ្នែកចម្រៀង ហើយកូនស្រី បង ម៉េង កែវពេជ្ជតា វិញម្នាក់ទទួលបានពានមាសម្នាក់ និងទទួលបានពានប្រាក់ម្នាក់ ផ្នែក ព្យាណូ និង វីយោឡុង"។
គួរបញ្ជាក់ថានៅ ខែ សីហា ឆ្នាំ ២០១៨ ខាងមុខនេះ លោក សូ ស្រណោះ ត្រៀមបញ្ជូនកូនសិស្សរបស់ខ្លួនឲ្យទៅប្រកួតក្នុងព្រឹត្តិការណ៍ និងចម្រៀងធំៗមួយចំនួនទៀតដែលរៀបចំឡើងនៅប្រទេស ប្រ៊ុយណេ ប៉ុន្តែលោកមិនទាន់ច្បាស់នៅឡើយទេ ថាមានកូនសិស្សផ្នែកចម្រៀង ព្យាណូ និង វីយោឡុង ទៅចូលរួមប៉ុន្មាននាក់នោះ៕