Chanyeol នឹងសម្ដែងតួស្និទ្ធបំផុតជាមួយ Park Shin Hye ក្នុងរឿងថ្មី

2018-05-13 04:29:01
ភាពយន្ត

2018-05-13 04:29:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានថ្មីមួយ បានលេចឮពេញពិភពសិល្បៈកូរ៉េ ទាក់ទងនឹងភាពយន្តផលិតថ្មីរបស់ទូរទស្សន៍ tvN ដែលមានការចូលរួមសម្ដែងសុទ្ធសឹងតារាល្បីៗប្រចាំប្រទេស។

កាលពីថ្ងៃទី ១២ ខែឧសភា ឆ្នាំ ២០១៨ ប្រភពមួយចេញពីទូរទស្សន៍ tvN បានឲ្យដឹងថា Chanyeol សមាជិកក្រុម EXO ក៏មានវត្តមានក្នុងរឿងថ្មីមានចំណងជើងថា "Memories of the Alhambra” ជាមួយតារាសម្ដែង Park Shin Hye និង Hyun Bin ដែរ។ មួយវិញទៀត អាចនិយាយបានថា នេះជារឿងថ្មីមួយទៀតហើយសម្រាប់ Chanyeol បន្ទាប់ពីបង្ហាញខ្លួនក្នុងរឿង "Missing 9” កាលពីឆ្នាំមុន។

តារាសម្ដែង Hyun Bin

ក្នុងរឿង “Memories of the Alhambra” នេះ តារាសម្ដែង Hyun Bin នឹងត្រូវដើរតួជា Yoo Jin Woo ប្រធានក្រុមហ៊ុនកាន់កាប់ជំនួញធំមួយ ដែលបានទៅលេងប្រទេសអេស្ប៉ាញ និងស្នាក់នៅក្នុងផ្ទះជួលតម្លៃថោកមួយកន្លែង ជាកម្មសិទ្ធិរបស់អ្នកលេងហ្គីតាម្នាក់ឈ្មោះ Jung Hee Joo (សម្ដែងដោយ Park Shin Hye)។

តារាសម្ដែង Park Shun Hye

ចំណែក Chanyeol ដើរតួជា Jung Sae Joo ប្អូនរបស់តួស្រី និងជាបុរសដែលស្ទាត់ជំនាញខាងផ្នែកបច្ចេកវិទ្យា។ Sae Joo តែងឃុំខ្លួនឯង មិនចង់និយាយរកអ្នកណាទាំងអស់ ក្រោយជួបប្រទះរឿងភ័យខ្លាចកាលពីតូច ប៉ុន្តែអ្នកដែលគេនិយាយជាមួយមានតែម្នាក់ទេ នោះគឺ បងស្រី Jung Hee Joo។