- 2018-05-30 03:10:00
- ព័ត៌មាន
តារាស្រីកូរ៉េណាខ្លះ ធ្លាក់ក្នុងអន្លង់ស្នេហ៍តារាហូលីវូដ?
- 2018-05-30 03:10:00
- ចំនួនមតិ 0 | ចំនួនចែករំលែក 0
តារាស្រីកូរ៉េណាខ្លះ ធ្លាក់ក្នុងអន្លង់ស្នេហ៍តារាហូលីវូដ?
ចន្លោះមិនឃើញ
ជាការពិតណាស់ តារាចម្រៀងស្រីកូរ៉េមួយចំនួន មិនមែនសម្លឹងមើល និងពេញចិត្តតែតារាប្រុសៗក្នុងប្រទេសរបស់ពួកគេនោះទេ ជាក់ស្ដែង ដូចតារាស្រីប៉ុន្មាននាក់ខាងក្រោមនេះ ពួកគេបានសារភាពថា ធ្លាប់ធ្លាក់ក្នុងអន្លង់ស្នេហ៍តារាហូលីវូដ រួមទាំងចាត់ទុកតារាទាំងនោះជាបុរសក្នុងក្ដីស្រមៃរបស់ពួកគេថែមទៀតផង។
១. សមាជិកក្រុម Twice តារាចម្រៀង Jihyo
អំឡុងពេលធ្វើការផ្សាយបន្តផ្ទាល់នៃកម្មវិធី "Candy Night” តារាចម្រៀងស្រីរូបនេះ បាននិយាយពាក់ព័ន្ធនឹងរឿង "Black Panther” ហើយថែមទាំងបានបញ្ជាក់បន្ថែមថា នាងពេញចិត្តតួអង្គ "Captain America” ដែលដើរតួដោយតារាសម្ដែង Chris Evans ជាងគេ ក្នុងចំណោមតួអង្គ Avengers ទាំងអស់។
២. សមាជិកក្រុម Twice តារាចម្រៀង Nayeon
អំឡុងពេលធ្វើការផ្សាយបន្តផ្ទាល់នៃកម្មវិធី "Candy Night” ជាមួយគ្នានេះដែរ តារាចម្រៀង Nayeon
បាននិយាយថាបុរសក្នុងក្ដីស្រមៃរបស់នាងគឺមានរូបរាងដូចតួអង្គ Tony Stark ដែលសម្ដែងដោយ Robert Downey Jr.។ និយាយរួមទៅ គឺនាងចង់ក្លាយជាមិត្តស្រីរបស់តួអង្គ Iron Man ព្រោះនាងចូលចិត្តអត្តចរិតរបស់លោកក្នុងរឿងនេះ។
៣. សមាជិកក្រុម AOA តារាចម្រៀង Seolhyun
នៅក្នុងភាគមួយនៃកម្មវិធី Running Man តារាចម្រៀង Seolhyun បានបកស្រាយថា ចាប់តាំងពីតារាដែលនាងស្រឡាញ់ (Song Joong Ki) រៀបការរួចមក នាងចាប់ផ្ដើមសម្លឹងឃើញតួអង្គ Thor ដែលសម្ដែងដោយ Christ Hemsworth។ នាងនិយាយថា នាងចូលចិត្តបុរសដែលស្រស់សង្ហា និងចូលចិត្តសើចច្រើន។
៤. តារាចម្រៀង Suzy
តារាចម្រៀងដែលបច្ចុប្បន្នជាមិត្តស្រីរបស់តារាសម្ដែង Lee Dong Wook នេះ ធ្លាប់បាននិយាយពីបុរសក្នុងក្ដីស្រមៃរបស់នាងក្នុងកម្មវិធី "Off the Record, Suzy” ។ នាងបញ្ជាក់ថា នាងពេញចិត្តបុរសដែលមានត្របកភ្នែកពីរជាន់ នៅភ្នែកតែម្ខាង ហើយនិងមានរូបរាងសិចស៊ី។ ដោយមានលក្ខណៈពិសេសបែបនេះ នាងបានជ្រើសយកតារាសម្ដែង Ian Somerhalder ជាបុរសក្នុងដួងចិត្ត។
៥. តារាចម្រៀង Krystal
នៅពេលចូលរួមក្នុងកម្មវិធីវិទ្យុមួយដែលមានតារាចម្រៀង Kangin ជាពិធីករនោះ តារាចម្រៀង Krystalត្រូវបានសួរពាក់ព័ន្ធនឹងបុរសក្នុងដួងចិត្តនាងជានរណា ភ្លាមៗ នាងក៏បានឆ្លើយថា នាងពេញចិត្តតារាសម្ដែង Jonny Depp។
៦. តារាចម្រៀង Jessica
ចំណែក Jessica វិញ នាងពេញចិត្តតារាសម្ដែង Josh Hartnett។ តារាចម្រៀងស្រីរូបនេះក៏ធ្លាប់បានទៅជួបតារាសម្ដែងក្នុងដួងចិត្តនាងផ្ទាល់ផងដែរ នៅពេលលោកចូលរួមកម្មវិធី International Film Festivalក្នុងទីក្រុង Busan។
៧. តារាចម្រៀង YoonA
YoonA និយាយថា នាងពេញចិត្ត និងជាអ្នកគាំទ្រពេញទំហឹងរបស់តារាសម្ដែង Takuya Kimura។
៨. តារាចម្រៀង Tiffany
ចំណែក តារាចម្រៀង Tiffanyវិញ នាងជ្រើសរើសតារាសម្ដែង Chace Crawford ជាបុរសក្នុងដួងចិត្ត ដោយសារតែលោក ជាបុរសមានភាពទាក់ទាញ, សង្ហា, នឹងគួរឲ្យស្រឡាញ់ខ្លាំងនៅពេលលោកញញឹម។
៩. តារាចម្រៀង Taeyeon
Taeyeon និយាយថា នាងចូលចិត្តបុរសណាដែលមានរូបរាងដូចតុក្កតាខ្លាឃ្មុំ ដូច្នេះនាងជ្រើសរើសតារាសម្ដែង Hugh Jackman។
១០. សមាជិកក្រុម I.O.I តារាចម្រៀង Jeon So Mi
អំឡុងចូលរួមក្នុងកម្មវិធីជួបជុំជាមួយអ្នកគាំទ្រ តារាស្រីរូបនេះត្រូវបានអ្នកគាំទ្រសួរថាមានជ្រើសរើសតារារូបណាជាបុរសក្នុងដួងចិត្តទេ។ មិនខុសពី តារាចម្រៀង Seolyun តារាចម្រៀងរូបនេះបានឆ្លើយថា នាងស្រឡាញ់តួអង្គ Thor ដែលសម្ដែងដោយ Christ Hemsworth៕