- 2018-06-20 04:10:11
- ជីវិតតារា
ជារឿងកម្រ ត្រឹម១ថ្ងៃ តារាល្បី៣គូ ធ្លាយដំណឹងស្នេហ៍វិជ្ជមាន តែសាមីខ្លួនមិនបកស្រាយសូម្បី១ម៉ាត់
- 2018-06-20 04:10:11
- ចំនួនមតិ 0 | ចំនួនចែករំលែក 0
ជារឿងកម្រ ត្រឹម១ថ្ងៃ តារាល្បី៣គូ ធ្លាយដំណឹងស្នេហ៍វិជ្ជមាន តែសាមីខ្លួនមិនបកស្រាយសូម្បី១ម៉ាត់
ចន្លោះមិនឃើញ
អាចចាត់ទុកជារឿងគួរឲ្យចាប់អារម្មណ៍មួយ កាលពីថ្ងៃ១៨ ខែ មិថុនា ឆ្នាំ ២០១៨ បានធ្លាយដំណឹងជាវិជ្ជមានលើស្នេហារបស់អ្នកសិល្បៈរហូតដល់៣គូក្នុងថ្ងៃតែ១ តែម្ដង។ ក្នុងនោះមាន លោក ប៉ែន ចំរ៉ុង ជាមួយ កញ្ញា ហ៊ុន ម៉ាណេ លោក ញ៉ែម សុគន្ធ និង កញ្ញា នួន កែវ មល្លិកា និង កញ្ញា ឱក សុគន្ធកញ្ញា ជាមួយ លោក អ៊ឹង សុខលី ប្អូនប្រុសថៅកែហង្សមាស។
១.លោក ប៉ែន ចំរ៉ុង ជាមួយ កញ្ញា ហ៊ុន ម៉ាណេ៖
ដំណឹងដែលបែកធ្លាយមុនគេនោះ គឺលោក ប៉ែន ចំរ៉ុង ជាមួយ កញ្ញា ហ៊ុន ម៉ាណេ ដោយវីដេអូខួបកំណើតមួយរបស់ លោក ប៉ែន ចំរ៉ុង ដែលកញ្ញា ហ៊ុន ម៉ាណេ បានធ្វើឲ្យនោះ បានបែកធ្លាយលើបណ្ដាញសង្គម កាលកាលពីថ្ងៃ១៨ ខែ មិថុនា ឆ្នាំ ២០១៨ ។ ក្នុងវីដេអូនោះពួកគេទាំងពីរបានហៅគ្នា ជាប្ដីប្រពន្ធពេញៗមាត់ និងបានសន្យាថា ស្រលាញ់គ្នាជារៀងរហូត ជាមួយគ្នានោះកញ្ញា ហ៊ុន ម៉ាណេ ក៏បានស្នើទៅ លោក ប៉ែន ចំរ៉ុងថា ឈប់មានស្រីតទៅទៀត។ កញ្ញា ហ៊ុន ម៉ាណេ ត្រូវបានគេដឹងថា មិនមែនជាអ្នកសិល្បៈនោះទេ ហើយអ្នកទាំងពីរមាន ស្រុកកំណើតមកពីខេត្ត បាត់ដំបងជាមួយគ្នា។
នេះជាលើកទី១ហើយដែល លោក ប៉ែន ចំរ៉ុង បានបង្ហាញមុខគូស្នេហ៍ថ្មីបន្ទាប់ពីចែកផ្លូវគ្នាជាមួយ អ្នកនាង ភិន សុដាលីស កូនស្រីថៅកែផលិតកម្មមហាហង្ស ហើយវីដេអូរបស់ពួកគេត្រូវបានអ្នកលេងបណ្ដាញសង្គម បញ្ជូនចែកគ្នាមើលជាច្រើន។
២.លោក ញ៉ែម សុគន្ធ និង កញ្ញា នួន កែវមល្លិកា៖
រូបថត និងវីដេអូគូស្នេហ៍មួយគូនេះ បានបែកធ្លាយនៅ ព្រឹកថ្ងៃ១៨ ខែ មិថុនា ឆ្នាំ ២០១៨ ដូចគ្នា ដោយពួកគេបានធ្វើពិធីភ្ជាប់ពាក្យ ធ្វើឲ្យមានការភ្ញាក់ផ្អើលជាខ្លាំង ត្បិតអីកន្លងមក លោក ញ៉ែម សុគន្ធ មិនដែលធ្លាប់ទម្លាយឲ្យដឹងថា លោកមានស្នេហាជាមួយអ្នកណាឡើយ។
ការភ្ជាប់ពាក្យរបស់លោក ញ៉ែម សុគន្ធ បានធ្វើឲ្យបញ្ចប់ការសង្ស័យទៅលើលោកទាំងស្រុងជុំវិញ ថា លោកស្ថិតក្នុងចង្កោមតារាស្រលាញ់ប្រុសដូចគ្នា។ អនាគតភរិយារបស់លោក មិនមែនជាអ្នកសិល្បៈឡើយ ហើយអ្នកទាំង២គ្រោងចូលរោងការនៅថ្ងៃទី១៨ ខែ ធ្នូ ឆ្នាំ ២០១៨ ខាងមុខនេះ។
៣.កញ្ញា ឱក សុគន្ធកញ្ញា ជាមួយ លោក អ៊ឹង សុខលី៖
រូបថតជាច្រើនសន្លឹករបស់កញ្ញា ឱក សុគន្ធកញ្ញា ជាមួយ លោក អ៊ឹង សុខលី មានទាំងផ្លែឈើជាច្រើនកន្ត្រកផងនោះ ត្រូវបានបែកធ្លាយចេញនៅលើបណ្ដាញសង្គមនៅថ្ងៃ ទី១៨ ខែ ធ្នូ ឆ្នាំ ២០១៨ ដូចគ្នា។ តាមរយៈរូបភាពនោះ ត្រូវបានប្រភពច្បាស់ការមួយទម្លាយឲ្យដឹងថា គឺជាពិធីនៃការចូលស្ដីដណ្ដឹងជាផ្លូវការរបស់ក្រុមគ្រួសារលោក អ៊ឹង សុខលី ដែលត្រូវបានគេស្គាល់ថា ជាប្អូនប្រុសថៅកែហង្សមាស ទៅក្រុមគ្រួសារ ឱក សុគន្ធកញ្ញា។
តាមប្រភពនោះបញ្ជាក់ថា ក្នុងពិធីនោះដែរក៏ជា ការឡើងគេហដ្ឋានថ្មីរបស់អ្នកទាំងពីរដែលទិញរួមគ្នាផងដែរ ក្នុងតម្លៃជាច្រើនម៉ឺនដុល្លារ។ នៅមិនទាន់ដឹងថា អ្នកទាំងពីរគ្រោងចូលរោងការនៅពេលណាឡើយ។
ទោះបីជាការបែកធ្លាយដំណឹងស្នេហ៍ដូចបានរៀបរាប់ខាងលើ នៅមិនទាន់មានការបកស្រាញឲ្យស៊ីជម្រៅណាមួយ ពីគូស្នេហ៍ទាំង៣គូខាងលើនៅឡើយនោះទេ៕
