- 2018-06-29 02:35:00
- ជីវិតតារា
ប្រកែកញ៉ាញថាអត់ស្រឡាញ់គ្នា ដល់ឥឡូវ Ranveer និង Deepika ធ្លាយថ្ងៃរៀបការបាត់
- 2018-06-29 02:35:00
- ចំនួនមតិ 0 | ចំនួនចែករំលែក 0
ប្រកែកញ៉ាញថាអត់ស្រឡាញ់គ្នា ដល់ឥឡូវ Ranveer និង Deepika ធ្លាយថ្ងៃរៀបការបាត់
ចន្លោះមិនឃើញ
វាលែងជាចម្ងល់តទៅទៀតហើយ សម្រាប់គូស្នេហ៍តារាសម្ដែង Deepika Padukone និង Ranveer Singh ដែលមានស្នេហាជាមួយគ្នា។ អ្នកទាំង ២មានជួបគ្នាដំបូងតាមរយៈរឿង "Goliyon Ki Raas Leela Ram Leela” ហើយចាប់ពីពេលនោះមក ទំនាក់ទំនងរបស់ពួកគេកាន់តែស្អិតល្មួត ជាពិសេសពេលនេះលេចឭថាពួកគជិតរៀបការទៀតផង។
ជាការពិត បើទោះបីកន្លងមក អ្នកទាំង ២មិនដែលទទួលស្គាល់ថា ខ្លួនស្រឡាញ់គ្នានោះទេនៅចំពោះមុខក្រុមអ្នកសារព័ត៌មាន ក៏គ្រប់គ្នាជឿជាក់មុតមាំថាពួកគេស្រឡាញ់គ្នាច្បាស់ ពិសេសក្រោយឃើញមុខនៅជាមួយគ្នាញឹកញាប់ខុសពីទំនាក់ទំនងលក្ខណៈមិត្ត។ ទីបំផុត ថ្មីៗនេះក៏មានដំណឹងថា Deepika និង Ranveer បានសម្រេចរៀបការនឹងគ្នា ហើយបច្ចុប្បន្នកំពុងមមាញឹករៀបចំគម្រោងសម្រាប់ថ្ងៃពិសេសក្នុងជីវិតនាពេលខាងមុខទៀត។
តាមបណ្ដាញផ្សព្វផ្សាយក្នុងប្រទេសឥណ្ឌា បានបញ្ជាក់គូស្នេហ៍១នេះ នឹងរៀបអាពាហ៍ពិពាហ៍នឹងគ្នានៅខេវិច្ឆិកា ឆ្នាំ ២០១៨នេះ។ ដំណឹងនេះ បានធ្វើឲ្យអ្នកគាំទ្រកាន់តែអន្ទះសា និងចង់ឲ្យថ្ងៃនោះមកដល់ឆាប់ៗ ព្រោះគ្រប់គ្នាចង់ឃើញទិដ្ឋភាពមង្គលការរបស់គូស្នេហ៍កំពូលតារាល្បីនេះណាស់៕