- 2018-07-18 05:01:40
- ជីវិតតារា
ក្រៅពីជាតារាល្បីប្រចាំបូលីវូដ អ្នកទាំង ៦នេះក៏មានក្រេឌីតរៀនខ្ពស់អស់ទាស់ដែរ
- 2018-07-18 05:01:40
- ចំនួនមតិ 0 | ចំនួនចែករំលែក 0
ក្រៅពីជាតារាល្បីប្រចាំបូលីវូដ អ្នកទាំង ៦នេះក៏មានក្រេឌីតរៀនខ្ពស់អស់ទាស់ដែរ
ចន្លោះមិនឃើញ
តារាឥណ្ឌាមានប្រជាប្រិយភាពជាច្រើនមានសមត្ថភាពអស្ចារ្យបំផុតក្នុងការសម្ដែង ប៉ុន្តែមានមនុស្សមិនច្រើនទេដឹងថា អ្នកទាំងនោះក៏មានការសិក្សាអប់រំខ្ពស់ខ្ពស់ពីមុនដែរ។
តារាប្រុសស្រីដែល Sabay លើកយកមកបង្ហាញនាពេលនេះ សុទ្ធសឹងជាតារាល្បីឈ្មោះប្រចាំពិភពបូលីវូដ រួមមាន៖
១. តារាសម្ដែង Amitabh Bachchan
តារាជើងចាស់រូបនេះគឺជា កូនប្រុសកវីល្បីឈ្មោះរបស់ឥណ្ឌាមានឈ្មោះ Harivansh Rai Bachchan។ លោកបានបញ្ចប់ការសិក្សាពីសាកលវិទ្យាល័យ Delhi ហើយបន្ថែមពីលើនេះ Amitah ក៏បានសិក្សាជំនាញ ២មុខផ្សេងគ្នាទៀតគឺ វិទ្យាសាស្ត្រ និងសិល្បៈពិមហាវិទ្យាល័យ Kirori Mal។ កាន់តែអស្ចារ្យ លោកក៏បានទទួលសញ្ញាប័ត្របណ្ឌិតកិត្តិយសពីសាកលវិទ្យាល័យ Queensland ប្រទេសអូស្រ្តាលីទៀតផង។
២. តារាសម្ដែង Aishwarya Rai Bachchan
ទោះបីជារវល់នឹងការងារយ៉ាងណាក្ដី តារាស្រីវ័យ ៤៤ឆ្នាំនេះ នៅឆ្លៀតខំបន្តបរិញ្ញាប័ត្រស្ថាបត្យកម្មទៀត។
៣. តារាសម្ដែង Imran Khan
Imran បានចូលរៀននៅវិទ្យាល័យ Fremont ហើយក្រោយមកលោកក៏បានបន្តការសិក្សានៅទីក្រុង Los Angeles នូវជំនាញភាពយន្ត។
៤. តារាសម្ដែង Parineeti Chopra
នាងបានទទួលសញ្ញាបត្របរិញ្ញាបត្រជាន់ខ្ពស់ដល់ទៅ ៣ផ្នែកគឺ ពាណិជ្ជកម្ម ហិរញ្ញវត្ថុ និងសេដ្ឋកិច្ចពីសាលា Manchester Business ក្នុងចក្រភពអង់គ្លេស។
៥. តារាសម្ដែង John Abraham
តារាម៉ូដែល ដែលបានវិវត្តខ្លួនមកជាតារាសម្ដែងរូបនេះ បានបញ្ចប់ការសិក្សាជំនាញសេដ្ឋកិច្ចពិមហាវិទ្យាល័យ Jai Hind ក្នុងរដ្ឋធានី Mumbai។ មិនត្រឹមតែប៉ុណ្ណោះ លោកក៏ទទួលបានសញ្ញាបត្រអនុបណ្ឌិត ផ្នែកគ្រប់គ្រងពីវិទ្យាស្ថាន Mumbai Educational Trust។
៦. តារាសម្ដែង Anushka Sharma
Anushka បានទទួលសញ្ញាបត្រ ក្រោយបញ្ចប់ការសិក្សាផ្នែកសិល្បៈ ពីមហាវិទ្យាល័យ Mount Carmel ក្នុងរដ្ឋធានី Bangalore។ បន្ថែមពីលើនេះ ក៏ល្បីថាបច្ចុប្បន្ន នាងកំពុងបន្តការសិក្សាថ្នាក់អនុបណ្ឌិត ជំនាញសេដ្ឋកិច្ចដែរ៕
