- 2018-08-03 04:12:26
- ជីវិតតារា
មានមូលហេតុ ទើប អ៊ុន សិទ្ធា ត្រូវធ្លាក់តំណែងផ្ទួនៗ ពីតួឯកមកតួរង (មានវីដេអូ)
- 2018-08-03 04:12:26
- ចំនួនមតិ 0 | ចំនួនចែករំលែក 0
មានមូលហេតុ ទើប អ៊ុន សិទ្ធា ត្រូវធ្លាក់តំណែងផ្ទួនៗ ពីតួឯកមកតួរង (មានវីដេអូ)
ចន្លោះមិនឃើញ
តារាប្រុស អ៊ុន សិទ្ធា បានរបូតដំណែងតួឯកក្នុងខ្សែភាពយន្តភាគ ដល់ទៅ២រឿងផ្ទួនៗគ្នា មកសម្ដែងត្រឹមជាតួរង ដែលជារឿងកម្រសម្រាប់តារាសម្បុរស្រអែមស្រស់ ប្រឡូកក្នុងអាជីពនេះមិនតិចជាង១០ឆ្នាំ។ មូលហេតុនេះ ត្រូវបានម្ចាស់សាមីខ្លួន បកស្រាយ និងបញ្ជាក់ថា ជាអ្វីដែលលោកចង់បានបែបនេះ យូរណាស់មកហើយ។
រឿងពីរដែលតារាវ័យ៣៥ឆ្នាំ រូបនេះត្រូវថតជាតួរង មានដូចជា "កាំបិតមុខពីរ" សម្ដែងជាតួមិត្តភ័ក្ដិរបស់តួឯក និង "សព្វសិទ្ធ" សម្ដែងជាតួចោរ កាចសាហាវ។ មូលហេតុដំបូង ធ្វើឲ្យតារាដែលទើបប្រកាសថា បានរកឃើញម្ចាស់ចិត្តគ្រោងចូលរោងការនៅ ២ឆ្នាំខាងមុខ ក្ដាប់បានត្រឹមតំណែងតួរង ដោយសារគ្រានោះ ខាងម្ចាស់ផលិតកម្មរឿង "សព្វសិទ្ធ" បានទាក់ទងមក ស្របពេលលោកកំពុងជាប់រវល់ថតរឿង "សមុទ្រទឹកភ្នែក" ម្ល៉ោះហើយ ទើបមិនអាចទទួលថតបាន។ តែពេលលោកថតចប់រឿង "សមុទ្រទឹកភ្នែក" ខាងផលិតកម្មនៅតែចាប់អារម្មណ៍លោកដដែល ហើយក៏សម្រេចសម្ដែងជាតួរង មានចរិតកាចសាហាវតែម្ដងទៅ។
លើសពីនេះ ប្រុសស្អាតជាប់លេខ១ ពីកម្មវិធីនៅស្ថានីយទូរទស្សន៍ CTN ប្រាប់ថា តាមពិតលោកបានសម្ដែងជាតួឯករាប់មិនអស់ ហើយចរិតតួសម្ដែងមានទាំងស្លូត កាច ឆ្កួត ខ្ទើយ ក៏លោកធ្លាប់ភ្លក់រសជាតិសម្ដែងផងដែរ។ ក្នុងវិស័យសិល្បៈ គឺទូលាយណាស់ ដូច្នេះលោកមិនអាចប្រកាន់ខ្លួនទាល់តែសម្ដែងជាតួឯក មានចរិតជាសុភាពបុរស ទើបព្រមសម្ដែងនោះទេ ។
ការផ្លាស់ប្តូរពីតួឯក មកតួរង មិនបានធ្វើឲ្យលោកយល់ថា ជាការធ្លាក់ប្រជាប្រិយភាពឡើយ ម្ល៉ោះហើយ ឲ្យតែមានឱកាស មិនថាតួរង ឬ តួមានចរិតលក្ខណៈបែបណា ក៏លោក សិទ្ធា ពេញចិត្តទទួលយកផងដែរ៕
ទស្សនាវីដេអូតារាសម្តែង អ៊ុន សិទ្ធា បកស្រាយពីមូលហេតុ ធ្លាក់តំណែងតួឯកផ្ទួនៗ៖