- 2018-08-03 07:23:57
- ព័ត៌មាន
រឿងពិតនៅពីក្រោយ យូរី ចេញបទចម្រៀងថ្មីរូមគ្នា ជាមួយតារាចម្រៀងវៀតណាម
- 2018-08-03 07:23:57
- ចំនួនមតិ 0 | ចំនួនចែករំលែក 0
រឿងពិតនៅពីក្រោយ យូរី ចេញបទចម្រៀងថ្មីរូមគ្នា ជាមួយតារាចម្រៀងវៀតណាម
ចន្លោះមិនឃើញ
ជារឿងភ្ញាក់ផ្អើលមួយ នៅពេលឃើញ Page របស់ប្រទេសវៀតណាម មានឈ្មោះថា G5R MUSIC បានបង្ហោះរូបតារាចម្រៀង យូរី ជាមួយតារាចម្រៀងJombie ជនជាតិវៀតណាមច្រៀងរួមគ្នា។ លើសពីនេះ Page នោះក៏បានសរសេរ Caption យ៉ាងវែងអន្លាយ ទាក់ទងនឹងប្រវត្តិរបស់កញ្ញា យូរី ក្នុងវិស័យសិល្បៈថែមទៀតផង។
អ្វីដែលគេចាប់អារម្មណ៍ខ្លាំងជាងគេ គឺឃ្លាដែលបានសំដៅលើការសហការគ្នារវាង យូរី និង តារាចម្រៀងJombie ជនជាតិវៀតណាម លើបទចម្រៀងរួមគ្នា មានចំណងជើងជាភាសាខ្មែរថា "សើច"។ តាមរយៈនេះ អ្នកគាំទ្រជាច្រើន កំពុងដាក់ការសង្ស័យថា តើកញ្ញា យូរី គ្រោងនឹងចាប់ដៃគូជាមួយតារាចម្រៀងរ៉េប រូបនោះ ឆាប់ៗនេះ ឬយ៉ាងណា។
ទាក់ទឹននឹងចម្ងល់នេះ ម្ចាស់បទ " ចេះ Make Up ក្រោយពេលបែកបង" ប្រាប់ថា តាមពិតរូបនាង មិនមានការចាប់ដៃគូ ឬ ច្រៀងរួមគ្នាជាមួយតារាចម្រៀងវៀតណាម ឈ្មោះJombie នោះទេ។ Page នោះសរសេរថា បទចម្រៀង "សើច" ត្រៀមច្រៀងរួមគ្នារវាងយូរី និង តារាចម្រៀងវៀតណាម គ្រាន់តែដាក់ ដើម្បីឲ្យមើលទៅទាក់ទាញតែប៉ុណ្ណោះ។
តារាចម្រៀងក្នុងផលិតកម្មសាន់ដេ បន្តថា លោក Jombie ជាតារាចម្រៀងរ៉េប ជនជាតិវៀតណាមម្នាក់ ហើយលោក ប្រាប់ថា ក៏ជាអ្នកគាំទ្រម្នាក់របស់កញ្ញា យូរី ផងដែរ។ ដោយសារតែបទ "ចាក់ទឹកដូង" បានល្បីល្បាញដល់ប្រទេសរបស់ខ្លួន មានជនជាតិវៀតណាមជាច្រើនបានសរសើរថា បទនេះពិរោះ និងបានចាក់រាំលេងកម្សាន្តតាមទីកន្លែងផ្សេងៗផងដែរ។
ម្ល៉ោះហើយ លោកមានការស្ងើចសរសើរយ៉ាងខ្លាំងដល់កញ្ញា យូរី។ ដើម្បីជាកម្លាំងចិត្ត លោក បានធ្វើបទចម្រៀងញាក់ចំនួន២បទ ជូនដល់ យូរី ដែលកញ្ញា ទម្លាយឲ្យដឹងថា ទំនងជាអាចចេញក្រោយពី រដូវបុណ្យភ្ជុំបិណ្ឌរួចរាល់៕
