- 2018-08-06 08:21:19
- ព័ត៌មាន
ក្ដុកក្ដួល! សម្ដីប៉ុន្មានម៉ាត់ អ៊ុន សិទ្ធា និយាយទៅកាន់អ្នកម្ដាយកំពុងមានជំងឺកាចសាហាវ
- 2018-08-06 08:21:19
- ចំនួនមតិ 0 | ចំនួនចែករំលែក 0
ក្ដុកក្ដួល! សម្ដីប៉ុន្មានម៉ាត់ អ៊ុន សិទ្ធា និយាយទៅកាន់អ្នកម្ដាយកំពុងមានជំងឺកាចសាហាវ
ចន្លោះមិនឃើញ
តារាសម្ដែង អ៊ុន សិទ្ធា ជួបទុក្ខធំ ដោយសារម្ដាយជាទីស្រលាញ់ឈឺធ្ងន់ ត្រូវព្យាបាលនៅមន្ទីរពេទ្យមិត្តភាពខ្មែរសូវៀត។ ម្ដាយរបស់តារាអាយុ៣៥ឆ្នាំរូបនេះ មានជំងឺកាចសាហាវពីរមុខ គឺជំងឺទឹកនោមផ្អែម និងមហារីកថ្លើម ដំណាក់កាលទី៤ ។
និយាយទាំងអួលដើមករ លោក សិទ្ធា ប្រាប់ថា ម្សិលមិញអាការៈ ជំងឺម្ដាយលោក ធ្វើទុក្ខខ្លាំងណាស់ កម្រិតឈាមឡើងចុះៗមិនទៀងទាត់ ជាតិស្ករឡើងខ្ពស់ខ្លាំង ហើយត្រូវដាក់អុកស៊ីសែនទៀត។ ម្ដាយលោកប៊ិះផុតដង្ហើមនៅថ្ងៃម្សិលមិញបាត់ទៅហើយ តែសំណាងល្អ លោកប្រញាប់ដឹកម្ដាយ យកមកសង្គ្រោះទាន់ពេលវេលា។
ឃើញម្ដាយស្រែកយំផង ខ្សោយផង តួអង្គក្នុងរឿង "សព្វសិទ្ធ" អាសូរម្ដាយរបស់ខ្លួនជាខ្លាំង និងបន់ស្រន់ថា ឲ្យតែម្ដាយបានជាពីជំងឺនេះ លោកសុខចិត្តកាត់បន្ថយអាយុខ្លួនឯង។ លោកបានសរសេរលើបណ្ដាញសង្គមថា"កាត់បន្ថយអាយុខ្ញុំចុះ ដើម្បីម្ដាយខ្ញុំបានធូរស្រាលជាងនេះ"។
ចំពោះនៅថ្ងៃនេះ ស្ថានភាពជំងឺរបស់ម្ដាយលោក មានការធូរស្រាល ជាងម្សិលមិញច្រើន។ យ៉ាងណាមិញ លោក សិទ្ធាប្រាប់ថា ម្ដាយមានជំងឺទឹកនោមផ្អែម ជាង២០ឆ្នាំមកហើយ រីឯជំងឺមហារីកថ្លើមវិញ ទើបរកឃើញកាលពីមួយឆ្នាំមុនប៉ុណ្ណោះ។ លោកនិងសាច់ញាតិលាក់ម្ដាយមិនឲ្យដឹងថា មានជំងឺមហារីកនោះទេ ព្រោះខ្លាចគាត់ទទួលយកមិនបាន។
កន្លងមក លោកធ្លាប់បញ្ជូនម្ដាយវ័យ ៦៩ឆ្នាំ រូបនេះ ទៅព្យាបាលច្រើនលើកនៅក្រៅប្រទេស។ ប៉ុន្តែតាំងពីត្រលប់មកវិញ ម្ដាយបានផ្ដាំថា មិនទៅព្យាបាលនៅទីណាទាំងអស់ ដោយគាត់ចង់សម្រាកនៅក្នុងស្រុកច្រើនជាង។ ការព្យាបាលលើថ្នាំសង្កូវប្រចាំខែកន្លងមក ត្រូវបានអតីតជ័យលាភីលេខ១ ប្រុសស្អាតនៅស្ថានីយ៍ទូរទស្សន៍ CTN បញ្ជាក់ថា ចំណាយអស់ជាង១ពាន់ដុល្លារ។
មិត្តសិល្បករជាច្រើន ដែលបានដឹងដំណឹងពីជំងឺរបស់ម្ដាយលោក អ៊ុន សិទ្ធា បានជូនពរឲ្យអ្នកស្រី ឆាប់ជា មានកម្លាំង និងមានសុខភាពល្អឡើងវិញ ៕
រូបភាព៖ FB Un sothea