- 2018-09-24 03:33:44
- ព័ត៌មាន
គិតត្រឹមយប់មិញនេះ ឆាយ វីរៈយុទ្ធ និងភរិយា ចេញចោលផ្ទះរៀងខ្លួនហើយ ក្នុងបេសកកម្មផ្សេងគ្នា!
- 2018-09-24 03:33:44
- ចំនួនមតិ 0 | ចំនួនចែករំលែក 0
គិតត្រឹមយប់មិញនេះ ឆាយ វីរៈយុទ្ធ និងភរិយា ចេញចោលផ្ទះរៀងខ្លួនហើយ ក្នុងបេសកកម្មផ្សេងគ្នា!
ចន្លោះមិនឃើញ
គិតត្រឹមយប់មិញនេះ លោក ឆាយ វីរៈយុទ្ធ និងភរិយា គឺអ្នកនាង សែ ចាន់ឌី បានចែកគ្នាទៅរកគោលដៅរៀងខ្លួន ក្នុងនោះម្នាក់បានចេញបេសកកម្មទៅសហរដ្ឋអាមេរិករួចហើយ និងម្នាក់ទើបចេញទៅប្រទេសកូរ៉េខាងត្បូងយប់មិញ។
ឆាយ វីរៈយុទ្ធ បានចេញទៅប្រទេសកូរ៉េយប់មិញនេះ ដោយមិនមានភរិយាអមដំណើរឡើយ ខុសពីទម្លាប់រាល់ដង។ បញ្ហានេះ លោកអះអាងថា តាមពិតភរិយារបស់លោក បានចេញទៅសហរដ្ឋអាមេរិកចោលលោកតាំងពីប៉ុន្មានថ្ងៃមុនម្ល៉េះ ទើបមិនបានជូនដំណើរលោកនាយប់មិញនេះ។
"ភរិយាខ្ញុំ គាត់ទៅអាមេរិកមុនខ្ញុំទៅទៀត ប្រហែលជាខែក្រោយអី ទើបគាត់ត្រឡប់មកវិញ...ហើយនេះជាការឃ្លាតគ្នារយៈបំផុតលើកដំបូង តាំងពីពួកយើងរៀបការនឹងគ្នាមក...និយាយតាមត្រង់ គឺនឹករលឹកគ្នាដែ...ប្ដីប្រពន្ធណាបង ព្រោះដូចប្រាប់ មិនដែលឃ្លាតគ្នាយូរអីចឹងទេ"។
អ្នកនាង សែ ចាន់ឌី ភរិយា ឆាយ វីរៈយុទ្ធ ត្រូវបានអញ្ជើញឲ្យដោយសហរដ្ឋអាមេរិកឲ្យចូលរួមក្នុងកម្មវិធី ទស្សនកិច្ចអ្នកដឹកនាំអន្តរជាតិ (IVLP) ក្នុងនាមជាសហគ្រិននារីកម្ពុជាវ័យក្មេង ក្នុងពេលដែលគេដឹងថា ភរិយារូបនេះ គឺជាអ្នកជំនួញវ័យក្មេង និងធំដុំមួយរូបលើមុខជំនួញអង្ករ។ ដោយឡែក សាមីខ្លួនតារាចម្រៀងដែលត្រូវចេញចោលផ្ទះដូចគ្នានាយប់មិញនេះ គឺក្នុងបេសកកម្មសិល្បៈ។
តាម ឆាយ វីរៈយុទ្ធ ដំណើររបស់លោកយប់មិញនេះ គឺដើម្បីទៅចូលរួមការប្រគំតន្ត្រីដ៏ធំមួយរបស់ឧកញ៉ា ឡេង ណាវ៉ាត្រា រួមជាមួយតារាចម្រៀងទៅពីកម្ពុជាជាច្រើនទៀត មានដូចជា ព្រាប សុវត្ថិ ពែកមី និង រ៉ាប៊ី ជាដើម។ កម្មវិធីនឹងចាប់ផ្ដើមនៅថ្ងៃនេះ នៅទីក្រុងអានសាន និងកម្មវិធីបន្ទាប់នៅថ្ងៃស្អែក ធ្វើនៅទីក្រុងក្វាងជូ។
នេះជាដំណើរបេសកកម្មសិល្បៈលើកទី២របស់តារាចម្រៀងសាន់ដេ ខាងលើនៅទឹកដីប្រទសកូរ៉េខាងត្បូង ខណៈលើកទី១ទៅតាមរយៈម្ចាស់ឧបត្ថម្ភផ្សេង ដោយបានទទួលជោគជ័យរួចទៅហើយ។ ដោយឡែកលើកទី២ លោកសង្ឃឹមថា បងប្អូនខ្មែរនៅកូរ៉េខាងត្បូង នឹងគាំទ្រច្រើនដូចគ្នា។ បើមិនមានការប្រែប្រួល លោក ឆាយ វីរៈយុទ្ធ នឹងវិលត្រឡប់មកដល់ប្រទេសកំណើតវិញនៅថ្ងៃទី ២៧ ខែឆ្នាំដដែល ប៉ុន្តែភរិយារបស់លោក បន្តនៅសហរដ្ឋអាមេរិករហូតដល់ពាក់កណ្ដាលខែក្រោយ៕
