- 2018-10-18 03:21:08
- ព័ត៌មាន
អេនឌី ដាក់ប៉ុន្មានម៉ាត់ ឈឺៗដែរ ក្រោយវីដេអូចម្រៀងខ្លួនចុងក្រោយមួយ គ្មានការគាំទ្រសោះ!
- 2018-10-18 03:21:08
- ចំនួនមតិ 0 | ចំនួនចែករំលែក 0
អេនឌី ដាក់ប៉ុន្មានម៉ាត់ ឈឺៗដែរ ក្រោយវីដេអូចម្រៀងខ្លួនចុងក្រោយមួយ គ្មានការគាំទ្រសោះ!
ចន្លោះមិនឃើញ
លោក អេនឌី បានធ្លោយនូវពាក្យប៉ុន្មានម៉ាត់ ក្រោយពីវីដេអូចម្រៀងមរតកដើមរបស់លោកមានចំណងជើងថា "លាហើយភ្នំពេញ" ចេញជាង១ខែមកហើយ ប៉ុន្តែគ្មានការគាំទ្រទាល់តែសោះ ខុសពីវីដេអូមុនៗ។
តាំងពីចេញផ្សព្វផ្សាយលើយូធូប កាលពីថ្ងៃទី ២៨ កញ្ញា ២០១៨ មកទល់ថ្ងៃនេះ ដែលមានរយៈពេលប្រមាណជិត១ខែនោះ មានអ្នកទស្សនាមិនដល់ ៥០ដងផង។ អេនឌី អះអាងថា វាជាចំនួនចូលទស្សនាតិចបំផុត ស្ទើរមិនគួរជឿ ខុសពីបទ "មន្តស្នេហ៍ព្រះច័ន្ទ" របស់លោក ចេញពីដើមឆ្នាំ ក្នុងរយៈពេលប្រហាក់ប្រហែលគ្នា មានអ្នកចូលទស្សនាជាង ១០លានដងឯណោះ។
ប៉ុន្តែជាមួយចំនួនចូលទស្សនាដ៏ច្រើននៃបទពីដើមឆ្នាំនោះ លោកក៏ទទួលការវាយប្រហារយ៉ាងខ្លាំងដែរ ទៅលើការសម្ដែងបែបសិចស៊ី ស្រើបស្រាល ជាមួយ ពេជ្រ អាវីហ្សា។ សាមីខ្លួន បញ្ជាក់ថា បាក់ស្បាតជាមួយការវាយប្រហារមិនសំចៃដៃលើភាពសិចស៊ីនោះហើយ ទើបលោកក៏បកមកធ្វើបទបែបរម្យទមវិញ ប៉ុន្មានបទចុងក្រោយតាមការរិះគន់។ ប៉ុន្តែលទ្ធផល រឹតតែគួរឲ្យខកចិត្តថែមទៀត។
“បងឯងឃើញហើយ MV អត់មានអ្នកចូលមើលទេ...ព្រោះអត់មានកន្លែងចាប់កំហុស បែបនេះ តើឲ្យមានកម្លាំងចិត្តឯណាធ្វើបន្តទៀត...ហ៊ឺ...និយាយមិនចេញទេបងអ្ហើយ!”។ អេនឌី ថ្លែង។
ប៉ុន្មានខែមុន លោក អេនឌី បានបញ្ចេញវីដេអូចម្រៀងផ្ទាល់ខ្លួនជាច្រើន មានទាំង Original Song និង Cover បទមរតកដើមផង មានដូចជា "មនុស្សសំខាន់សម្រាប់ថ្ងៃថ្មី" "ទីបំផុតទើបដឹងថាគេកុហក" "វិលវិញអូន" និងបទ ""មន្តស្នេហ៍ព្រះច័ន្ទ" ជាដើម។ ដែលបទសម្ដែងជាមួយ ពេជ្រ អាវីហ្សា "មន្តស្នេហ៍ព្រះច័ន្ទ" មានអ្នកចូលមើលដូចទឹកបាក់ទំនប់។
យ៉ាងណាក៏ដោយ បន្ទាប់ពីងាកមកធ្វើបទបែបរម្យទម ហើយមិនមានការគាំទ្រដូច្នេះ មិនទាន់ដឹងទេថា លោកនឹងបន្តការងារធ្វើបទថ្មី និងបន្ត Cover បទមរតកដើម តាមនិស្ស័យរបស់លោកទៀត ឬយ៉ាងណាឡើយ ខណៈ សាមីខ្លួន បញ្ជាក់ថា មិនទាន់ច្បាស់ដូចគ្នា៕
ខាងក្រោមនេះ គឺបទ "លាហើយភ្នំពេញ" ដែលអេនឌី បញ្ជាក់ថា ខ្វះការគាំទ្រមិនគួរឲ្យជឿ!
