- 2018-11-08 04:15:43
- ភាពយន្ត
ស្រីស្អាត សួង សាខារ៉ានីត ភ័យតក់ស្លុតមិនបាត់ត្រង់ឈុតឆាកគេវះយកកូនទៅធ្វើកូនក្រក
- 2018-11-08 04:15:43
- ចំនួនមតិ 0 | ចំនួនចែករំលែក 0
ស្រីស្អាត សួង សាខារ៉ានីត ភ័យតក់ស្លុតមិនបាត់ត្រង់ឈុតឆាកគេវះយកកូនទៅធ្វើកូនក្រក
ចន្លោះមិនឃើញ
តារាសម្ដែង សួង សាខារ៉ានីត បានបង្ហាញអារម្មណ៍ភ័យតក់ស្លុតមិនទាន់បាត់ត្រង់ឈុតឆាកចោរមកវះយកកូនពីផ្ទៃនាង ពុំទាន់គ្រប់ខែយកទៅធ្វើជាកូនក្រកក្នុងរឿង"កូនក្រក" ដែលបានធ្វើពិធីសម្ពោធដាក់បញ្ចាំងជាផ្លូវការនៅរោងភាពយន្ត Major Cineplex By Smart ផ្សារទំនើបអ៊ីអន១កាលពីល្ងាចមិញ។
សួង សាខារ៉ានីត រៀបរាប់ថា ត្បិតពេលសម្ដែងគេមិនបានមកវះកាត់យកកូនចេញពោះក៏ពិតមែន តែនាងមានអារម្មណស្រៀវឆ្អឹងខ្នង និងភ័យខ្លាចខ្លាំងណាស់។ ខណៈតួអង្គក្នុងរឿងយកកាំបិតពិតមុខឡើងស្រួចឈ្លែមមកគ្រលររកចាក់ទម្លាយពោះនាង ដើម្បីបានកូនយកទៅធ្វើកូនក្រក។
អ្វីដែលកាន់តែគួរឲ្យខ្លាចជាងនេះត្រង់ឈុតឆាកនេះ សាខារ៉ានីត សម្ដែងពេលយប់ទៀតទើបនាង បារម្ភខ្លាចមានផ្លូវងងឹតណាមួយមកលេងសើចហើយចូលសណ្ឋិតជ្រុលដៃចាក់មកលើខ្លួនមែនទែន។ តែមិនមានបញ្ហាអ្វីកើតឡើងឡើយ ព្រោះមុនពេលថតក្រុមការងារក៏ដូចជាតួសម្ដែងក្នុងរឿងទាំងអស់បានអុជធូបសុំម្ចាស់ទឹកម្ចាស់ដីរួចរាល់ហើយ។
ជាមួយគ្នានេះដែរលោក លៀក លីដា ចាងហ្វាងផលិតកម្ម LD ឲ្យដឹងថារឿង "កូនក្រក"ស្នាដៃថ្មីរបស់នាយ ពែកមី គឺបានសម្រិតសម្រាំងគុណភាព ខ្លាំងជាងមុន ហើយស្នាដៃនេះគឺបង្ហាញពីឈុតឆាក និងភាពភ័យរន្ធត់ខ្លាំងជាងបណ្ដាភាពយន្តមុនៗ។ ដូច្នេះហើយលោក សង្ឃឹមថានឹងទទួលបានការគាំទ្រពីពុកម៉ែបងប្អូន នៅពេលរឿងនេះដាក់បញ្ចាំងនៅរោងកុននាពេលខាងមុខ។
រឿង"កូនក្រក" ចូលរួមសម្ដែងដោយ សុខ សោម៉ាវត្ដី នាយគ្រឿន ហេង ចន្ថា ងួន សុបិន សួង សាខារ៉ានីត និងតារាសម្ដែងប្រុសស្រីជាច្រើនរូបទៀតត្រៀមនឹងដាក់បញ្ចាំងនៅគ្រប់រោងភាពយន្តទំនើបៗក្នុងរាជធានីភ្នំពេញ និងតាមបណ្ដាខេត្តនៅថ្ងៃទី៩ ខែ វិច្ឆិកា ឆ្នាំ២០១៨ ខាងមុខនេះហើយ៕