- 2018-11-26 04:31:05
- ព័ត៌មាន
ជក់ខ្យល់នឹងការរិះគន់ជាច្រើនខែ ស្រាប់តែថ្មីៗនេះ ថ្នាក់ដឹកនាំប្រទេសធ្វើឲ្យ អេនឌី រំភើបចង់ហោះ
- 2018-11-26 04:31:05
- ចំនួនមតិ 0 | ចំនួនចែករំលែក 0
ជក់ខ្យល់នឹងការរិះគន់ជាច្រើនខែ ស្រាប់តែថ្មីៗនេះ ថ្នាក់ដឹកនាំប្រទេសធ្វើឲ្យ អេនឌី រំភើបចង់ហោះ
ចន្លោះមិនឃើញ
តារាចម្រៀង អេនឌី បានប្រាប់ឲ្យដឹងថា លោកមានចិត្តរំភើបខ្លាំងណាស់ បន្ទាប់ពីថ្មីៗនេះ លោកស្រាប់តែទទួលបានចាប់អារម្មណ៍ពីសម្ដេចនាយករដ្ឋមន្ត្រី ហ៊ុន សែន នៅក្នុងកម្មវិធីសិល្បៈមួយ បន្ទាប់ពីរងការរិះគន់ជាច្រើនខែ ពីរឿងសិចស៊ី។
គណនីសម្ដេច នាយករដ្ឋមន្ត្រីត្រូវបានគេឃើញបានចូលទៅតាមដានកម្មវិធី "ចម្រៀងគ្រួសារ" នៅលើហ្វេសប៊ុក កាលពីយប់ថ្ងៃសុក្រសប្ដាហ៍ វេលាដែលលោក អេនឌី និងលោក ឯក ស៊ីដេ និងតារាចម្រៀងស្រីម្នាក់ទៀត បានចូលរួមជាកិត្តិយស។ គ្រានោះ សម្ដេចនាយករដ្ឋមន្ត្រី ហ៊ុន សែន បានសរសេរសារថា "ទើបតែដឹងថា អេនឌី ចេះច្រៀង និងថែមទាំងចេះច្រៀងបទខ្ញុំនិពន្ធទៀតផង!”។
សម្ដេចនៅបាន បន្ថែមថា តាមការសង្កេតទៅលើតារាចម្រៀងជាវាគ្មិនទាំង៣ និយាយខុសច្រើន ទំនងជាភ័យដោយសារដឹងថា សម្ដេចបានចូលទស្សនាការផ្សាយផ្ទាល់នេះ និងបានស្នើសុំបទចម្រៀងផង ដែលបទនោះមានចំណងជើងថា "ទំនួញកម្សត់ប្រវត្តិវិទ្យាល័យ"។
បញ្ហានេះ អេនឌី ប្រាប់ថា លោកពិតជា មានអារម្មណ៍ភ័យមែន រួមទាំងភ្ញាក់ផ្អើលផង។ "ខ្ញុំរំភើបណាស់បង និងមិនជឿសោះថា សម្ដេចគាត់ចូលមើលផ្ទាល់អីចឹង ថែមទាំង Comment ឈ្មោះខ្ញុំចំៗទៀតដូច្នេះសោះ រំភើបមែនទែនបង ភ័យផង អរផង!” ។
អេនឌី ទើបតែបានចូលរួមជាលើកទី១ ក្នុងកម្មវិធី "ចម្រៀងគ្រួសារខ្មែរ" នៅយប់ថ្ងៃទី៣នៃព្រះរាជពិធីបុណ្យអុំទូក លយប្រទីប អកអំបុកសំពះព្រះខែកន្លងទៅថ្មីៗ។ កម្មវិធីនេះ បង្កើតឡើងធ្វើជាវេទិកា លើកយកបទចម្រៀងពីដើមៗមកច្រៀង និងផ្ដល់ឱកាសដល់សិល្បករចាស់ៗមិនសូវមានឱកាស បានឡើងបង្ហាញមុខ ដែលរៀបចំដោយលោក អ៊ុក ណារីម និងភរិយា ឆោម ឆពុំ ដែលគេដឹងថា គូស្វាមីភរិយាសិល្បៈមួយគូនេះ គឺជាកូនធម៌សម្ដេចនាយករដ្ឋមន្ត្រីផង។
ដូច្នេះហើយ សម្ដេចនាយករដ្ឋមន្ត្រី រមែងចូលទស្សនាកម្មវិធីជារឿយៗ ដូចដែលលោក អេនឌី បានពើបប្រទះ។ តារាចម្រៀងនិយមច្រៀងបទមរតកដើមលើកឡើងថា លោកពិតជាភ័យពិតមែននាពេលនោះ។ "និយាយមែនបង ពេលនោះ គ្រាន់តែដឹងថា សម្ដេចចូលមើល និង Comment ឈ្មោះខ្ញុំចំៗ ភ័យញ័រដៃញ័រជើងអស់ហើយ ព្រោះមិននឹកស្មានថា លោកនៅចាំសោះ!”។
ក្រៅពីជាកន្លែងគាស់រំលើងបទចម្រៀងមរតកដើម កម្មវិធី "ចម្រៀងគ្រួសារខ្មែរ" ក៏ជាកន្លែងជជែកគ្នាពីរឿងរ៉ាវខ្លះរបស់សង្គមផង មានដូចជា ចរាចរណ៍ ទេសចរណ៍ សីលធម៌ និងវប្បធម៌ផង។ កម្មវិធីមានផ្សាយជូននៅរៀងរាល់យប់ថ្ងៃច័ន្ទ និងថ្ងៃសុក្រ ចាប់ពីម៉ោង ៨យប់ រាល់សប្ដាហ៍៕
