- 2018-12-23 01:48:18
- ព័ត៌មាន
រឿងហេតុ ព្រាប សុវត្ថិ-សិរីមន្ត អវត្តមានពីគម្រោងថ្មីរបស់ ឡេង ណាវ៉ាត្រា
- 2018-12-23 01:48:18
- ចំនួនមតិ 0 | ចំនួនចែករំលែក 0
រឿងហេតុ ព្រាប សុវត្ថិ-សិរីមន្ត អវត្តមានពីគម្រោងថ្មីរបស់ ឡេង ណាវ៉ាត្រា
ចន្លោះមិនឃើញ
គម្រោង បុរីឡេង ណាវ៉ាត្រា នៅក្រុងព្រះសីហនុ បានបើកដំណើរការថ្មីៗ ដោយមិនមានតារាចម្រៀងព្រាប សុវត្ថិ និង ខេមរៈ សិរីមន្ត ចូលហ៊ុនឡើយ ផ្ទុយទៅវិញលោកបានចាប់ដៃគូរជាមួយអ្នកជំនួញល្បីឈ្មោះថ្មីម្នាក់ទៀត។
មូលហេតុត្រូវបានឧកញ៉ាបញ្ជាក់ឲ្យដឹងថា មិនមានបញ្ហាអ្វីធំដុំឡើយ ប៉ុន្តែក៏ព្រោះថា មុខជំនួញនេះខ្លួនបានចុះកុងត្រាជាមួយគ្នា(ដៃគូ)យូរហើយ និងម្យ៉ាងទៀតដូច ធ្លាប់បានលើកឡើងការរកស៊ីរបស់ លោកមិនមានគោលដៅតែជាមួយអ្នកសិល្បៈឡើយ ពោលអ្នកជំនួញរូបណាក៏អាចចូលហ៊ុនរកស៊ីជាមួយគ្នាបានដែរ សំខាន់គឺរឿងទុកចិត្តគ្នា ហើយអាចធ្វើការជាមួយគ្នាបានឬយ៉ាងណាប៉ុណ្ណោះ។
គម្រោងវិនិយោគខាងលើបានធ្វើលើផ្ទៃដី១៥០ហិតា ដែលមានទីតាំងតាមបណ្ដោយផ្លូវជាតិលេខ៤ ក្នុងស្រុក ព្រៃនប់ ខេត្ត ព្រះសីហនុ ចម្ងាយប្រហែល២០គីឡូម៉ែត្រពី ក្រុមកំពង់សោម។ ទុនវិនិយោគសរុប ប្រហែលជាង១០០លានដុល្លារ ដោយដៃគូជំនួយរបស់លោកម្នាក់ទៀត គឺជាអ្នកចែកចាយម៉ូតូហុងដា ផ្ដាច់មុខដល់ទៅ២ខេត្ត ព្រៃវែង និង ខេត្ត ស្វាយរៀង។
លោក ឧកញ៉ា ឡេង ណាវ៉ាត្រា បានបញ្ជាក់ឲ្យដឹងបន្ថែមថា ជាការពិតកំពូលតារាចម្រៀងទាំងពីរខាងលើក៏មានបំណងចង់មកវិនិយោគរួមគ្នាជាមួយលោកលើទឹកដី កំពង់សោមនេះដែរ ប៉ុន្តែដូចបានលើឡើងខាងលើ ដោយសារតែលោកបានជាប់កុងត្រាជាមួយគ្នាមុខ ហើយម្ចាស់ភាគហ៊ុនរបស់លោកដោយស្នើឲ្យមានភាគហ៊ុនតែ២នាក់ប៉ុណ្ណោះ ទើបមិនមានវត្តមានតារាទាំងពីរនេះទៅ ប៉ុន្តែគម្រោងបន្ទាប់ទៀតអាចនឹងមាន។
កត្តាដែលហេតុដែលនាំឲ្យអ្នកជំនួញល្បីឈ្មោះទាំងពីររូបនេះ សម្រេចចិត្តមកដាក់ទុនវិនិយោគលើទឹកដីកំពង់សោមនេះក៏ព្រោះតែលោកយល់ឃើញថា កំណើនអចលនទ្រព្យលើទឹកដីដែលកំពុងតែល្បីថា ចិនចូលមកវិនិយោគច្រើននេះ មានសន្ទុះកើនឡើងខ្លាំង ដែលនេះគឺជាឱកាសខ្លាំងបំផុតសម្រាប់អ្នកវិនិយោគ។
ដីទាំង១៥០ហិតា ខាងលើគ្រឿងចក្ររាប់រយគ្រឿងកំពុងតែសម្រុកឈូសឆាយ និង ចាក់បំពេញ ទិញរួចរាល់ហើយ។ ដីនេះបានបែងចែក ជាង១ម៉ឺនឡូឯណោះ មានទាំងផ្ទះល្វែង វីឡា និងខុនដូជាដើម ដែលមានតម្លៃចាប់ពីជាង៤ពាន់ដុល្លាររហូតជាង២០ម៉ឺនដុល្លារឯណោះ។ បើកគម្រោងម្សិលមិញនេះ តាមការបញ្ជាក់របស់ម្ចាស់គម្រោង មានអតិថិជនបានមកសម្រុកទិញ បានរហូតជាង១០០០ពាន់ឡូត៍ឯណោះ៕