- 2019-01-20 05:20:00
- ព័ត៌មាន
អបអរសាទរ ហង្ស សូរីយ៉ាន់ ត្រូវបានជ្រើសរើសជាតំណាងបវរកញ្ញា Miss Global Cambodia
- 2019-01-20 05:20:00
- ចំនួនមតិ 0 | ចំនួនចែករំលែក 0
អបអរសាទរ ហង្ស សូរីយ៉ាន់ ត្រូវបានជ្រើសរើសជាតំណាងបវរកញ្ញា Miss Global Cambodia
ចន្លោះមិនឃើញ
អតីតបេក្ខភាព Cambodia's Next Top Model ចំណាត់ថ្នាក់លេខ ៤ និងជាតារាម៉ូដែលកំពុងល្បីល្បាញ កញ្ញា ហង្ស សូរីយ៉ាន់ ត្រូវបានជ្រើសរើសជាតំណាងបរកញ្ញា Miss Global Cambodia ដែលនឹងចូលរួមកម្មវិធីប្រកួតសម្រស់នេះនៅប្រទេសហ្វីលីពីន ក្នុងរយៈពេលឆាប់ៗខាងមុខនេះ។
ថ្លែងមកកាន់ Sabay កញ្ញា សូរិយ៉ាន់ បាននិយាយថាខ្លួនពិតជាមានសេចក្ដីរីករាយនិងរំភើបខ្លាំងមែនទែនដែលត្រូវបានគេជ្រើសរើសតំណាងឲ្យប្រទេសកម្ពុជាដើម្បីចូលរួមក្នុងកម្មវិធីលំដាប់ពិភពលោកមួយនេះ។ "ខ្ញុំពិតជារំភើប ហើយក្នុងកម្មវិធីនេះខ្ញុំចង់ឲ្យពិភពលោកដឹងថា នៅប្រទេសកម្ពុជាក៏មានស្ដ្រីដែលក្លាហាន ទន់ភ្លន់ និងឆ្លាតដែរ។" សូរិយ៉ាន់ បញ្ជាក់។
លើសពីនេះទៅទៀត តារាម៉ូដែលរូបនេះ ចង់ឲ្យគ្រប់គ្នាដឹងថាកម្មវិធីនេះគឺមិនមែន គ្រាន់តែជាកម្មវិធីប្រកួតសម្រស់ខាងក្រៅតែប៉ុណ្ណោះនោះទេ ប៉ុន្តែសម្រស់ខាងក្នុងពិតជាសំខាន់។ ចំពោះកញ្ញាផ្ទាល់យល់ថា ភាពស្រស់ស្អាតគឺចេញពីបេះដូង មិនថាជាខ្ពស់ ទាប ស្រស់ស្អាតឬអត់ ប៉ុន្តែការមានភាពអង់អាចក្លាហាន ជានារីដែលយកចិត្តទុកដាក់ ពីស្ដ្រីរងគ្រោះ និងកុមារពិតជារឿងសំខាន់។
ក្នុងការជ្រើសរើសនេះ មិនមែនជាងាយស្រួលនោះទេដោយនាងត្រូវឆ្លងកាត់ការសម្ភាសន៍ពីភ្នាក់ងារកម្មវិធី Miss Global នេះមកពីរដ្ឋ Carlifornia សហរដ្ឋអាមេរិក។ សូរិយ៉ាន់ ក៏បានបញ្ជាក់ថាក្រុមការងារនឹងត្រៀមឈុតស្អាតៗប៉ុន្មានឈុតដើម្បីចូលរួមកម្មវិធី ដូចជា ឈុតស្រមោលស ឈុតហែលទឹក និងឈុតតំណាងជាតិផងដែរ។ មិនត្រឹមតែប៉ុណ្ណោះ កញ្ញា នឹងមានអ្នកប្រឹក្សាហាត់សមពីអ្នកមានបទពិសោធន៍ធ្វើការក្នុងកម្មវិធី Miss Universe ទៀតផង។ គូសបញ្ជាក់ថាកម្មវិធីនេះនឹងប្រព្រឹត្តិទៅនៅខែកុម្ភៈខាងមុខ ប្រទេសហ្វីលីពីន៕
រូបថតផ្ដល់សិទ្ធពី កញ្ញា ហង្ស សូរិយ៉ាន់ និងលោក Jeremie Montessuis (www.jeremiemontessuis.com)