- 2019-01-27 07:55:00
- ព័ត៌មាន
ក្ដៅហ៊ុយៗ! HyunA និង E'Dawn សម្រេចចុះកុងត្រាជាមួយផលិតកម្មរបស់ PSY ជាស្ថាពរ
- 2019-01-27 07:55:00
- ចំនួនមតិ 0 | ចំនួនចែករំលែក 0
ក្ដៅហ៊ុយៗ! HyunA និង E'Dawn សម្រេចចុះកុងត្រាជាមួយផលិតកម្មរបស់ PSY ជាស្ថាពរ
ចន្លោះមិនឃើញ
តារាចម្រៀងគូស្នេហ៍ HyunA និង E'Dawn បានសម្រេចជំហានថ្មីមួយទៀត ដោយបានចុះកុងត្រាជាមួយផលិតកម្ម P-NATION របស់ PSY ជាស្ថាពរ។
ក្រោយចាកចេញពីផលិតកម្ម CUBEដែលជាទ្រនំចាស់ ទីបំផុត HyunA និងគូស្នេហ៍ E'Dawn រកឃើញជម្រកថ្មីហើយ គឺផលិតកម្ម P-NATION។ ព័ត៌មាននេះបានប្រកាសជាផ្លូវការនៅថ្ងៃទី ២៧ ខែមករានេះ បន្ទាប់ពីមានការសង្ស័យពីសំណាក់អ្នកគាំទ្រ ពេល PSY ចុចតាមដាន (Follow) គណនីInstagram របស់ E'Dawn កាលពីដើមសប្ដាហ៍នេះ។
ដើម្បីប្រកាសពីដំណឹងល្អនេះ PSY បានបង្ហោះរូបភាពដៃរបស់ HyunA និង E'Dawn ដោយឲ្យឃើញច្បាស់ៗនូវម្រាមមេដៃរបស់អ្នកទាំង ២ ដោយបញ្ជាក់ថាពួកគេចុះកុងត្រាជាមួយផលិតកម្មខ្លួនជាផ្លូវការហើយ។ ទោះបីមិនប្រាប់ថា ម្ចាស់ដៃទាំង ២ជាអ្នកណា ក៏អ្នកគាំទ្រដឹងច្បាស់ដែរថាជា E'Dawn និង HyunA ផ្អែកតាមស្នាមសាក់។
ដើម្បីកុំឲ្យមានការសង្ស័យយូរ PSY ដែលជាម្ចាស់ផលិតកម្ម ក៏បានបង្ហោះរូបលោក និងតារាទាំង ២ ច្បាស់ៗលើ Instagram។ ប្រការបានធ្វើឲ្យអ្នកគាំទ្ររីករាយមិនស្ទើរ ព្រោះថាបន្ទាប់ពីតែលតោលមួយរយៈ ពេលនេះគូស្នេហ៍ទាំង ២មានជម្រក និងឈរនឹងដូចដើមហើយ៕